Disa fakte janë aq të pazakonta, sa duket sikur janë trillime nga interneti. Por jo, këto më poshtë janë mëse të vërteta.
Netflix ekzistonte përpara se të krijohej Google!
Po, e lexuat saktë. Netflix u themelua në vitin 1997, ndërsa Google vetëm një vit më vonë, në 1998. Pra, nëse dikush do t’ju thoshte dikur: “Shiko një film online”, kjo ndodhte para se të mund të “google-onit” ndonjë gjë!
Krijuesi i Pringles është varrosur në një kuti Pringles!
Fred Baur, njeriu që shpiku formën cilindrike dhe paketimin ikonik të patatinave Pringles, kishte një dëshirë të fundit mjaft të veçantë të prehej në paqe… brenda një kutie Pringles. Dhe familja ia plotësoi dëshirën!
Themeluesi i Match.com humbi të dashurën e tij nga… Match.com!
Gary Kremen, krijuesi i platformës së takimeve Match.com, pësoi një ironi të hidhur të fatit kur e dashura e tij u nda prej tij – pasi njohu dikë tjetër në Match.com. Jep dhe merr, thonë!
Lexo edhe:A e dini cili është fruti veror që të hidraton, mbron zemrën dhe forcon trurin?
Në të gjithë botën fluturojnë vetëm 25 balona ajri (blimps)!
Ato reklamat gjigande që shihni ndonjëherë në ndeshje apo evente të mëdha? Janë një nga vetëm 25 të tilla që ekzistojnë sot në botë. Një mjet fluturues më i rrallë se një Ferrari!
Shteti i Wyoming ka vetëm… 2 shkallë lëvizëse!
Në një kohë kur shkallët lëvizëse janë të zakonshme në çdo qendër tregtare, Wyoming – një nga shtetet më të mëdha për nga sipërfaqja në SHBA – ka vetëm dy të tilla në gjithë territorin.
Nëse ke vetëm 10 dollarë dhe asnjë borxh, je më i pasur se 25% e amerikanëve!
Një fakt tronditës mbi gjendjen financiare: një e katërta e amerikanëve kanë pasuri neto negative. Pra, thjesht duke mos pasur borxhe, je automatikisht më “i pasur” se miliona të tjerë.
Oreo ka ndërtuar një bunker për… biskotat!
Në vitin 2020, kompania Oreo ndërtoi një “Vault Apokaliptik” në Norvegji, pranë vendit ku ruhen farat e bimëve të botës. Qëllimi? Të ruajë recetën e biskotave Oreo në rast se ndodh një katastrofë globale!
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
