Kërkimi nga rrjeti social miliarda-dollarësh LinkedIn, në partneritet me Mars Drinks, sugjeron që pronarët e bizneseve duhet të bëjnë më shumë për të mbështetur punonjësit e tyre. Punëdhënësit nuk po përpiqen shumë për të angazhuar punëtorët e tyre. Afërsisht gjysma e punëtorëve të SHBA-së nuk do t’jua rekomandonin punëdhënësin e tyre aktual, njerëzve që kërkojnë punë – sipas studimit në fjalë.
Për të kryer studimin, LinkedIn anketoi 1015 nga përdoruesit e saj, që përfaqësojnë kompanitë e mëdha me mbi 1.000 të punësuar, në shërbimet financiare, ligjore, shëndetësore, të punës sociale, të konsulencës dhe sektorëve të shërbimeve.
Përdoruesve të anketuar iu kërkua të rendisin kompanitë e tyre sipas një matësi eNPS – apo “employee net promoter score”, (bazuar në metodologjinë fillimisht të shpikur nga Bain & Company, nëpërmjet të cilës sqarohet se ndërsa standardet “net promoter score” vlerësojnë kënaqësinë e konsumatorit me një markë ose produkt, eNPS mat kënaqësinë e punëtorëve ne raport me punëdhënësit e tyre. )
Në përgjithësi, vetëm 49 % e të anketuarve e renditën lart organizatën e tyre, ndërsa pjesa e mbetur 51 për qind ishin ambivalentë ose negativë. Ka pasur edhe një mospërputhje midis rëndësisë së perceptuar të “vitalitetit në vendin e punës,” duke nënkuptuar një hapësirë që lejon angazhim, produktivitet, bashkëpunim dhe mirëqenie si dhe duke perceptuar performancën e punëdhënësit.
“Ne e dimë se për të arritur potencialin tonë të plotë, duhet të krijojmë mjedise pune ku njerëzit kanë një ndjenjë të fuqizimit dhe përkatësisë”, – ka thënë Tracy Brower, president i “vitalitetit në vendin e punës” nga Mars Drinks, sociolog, dhe autor i librit “Bring Work to Life by Bringing Life to Work: A Guide for Leaders and Organizations’’
Megjithatë, ndërsa 94 për qind e të anketuarve e shohin “angazhimin” si një faktor kyç për kënaqësinë e përgjithshme të punës, vetëm 53% besojnë se kompania e tyre po bën një punë të mirë në nxitjen e saj.
Kini parasysh se ka një numër gjërash që ju mund të bëni për të rritur moralin e punonjësve.
Hulumtimi tregon se punëtorët që ndihen më të angazhuar, kanë më shumë gjasa të rekomandojnë punëdhënësin e tyre tek dikush tjeter – kur puna u jep atyre mundësinë për të mësuar, për të sjellë një ndikim pozitiv në botë si dhe kur ata ndihen të sfiduar dhe personalisht të lidhur me punën.
Të paktën një hap konkret që mund të planifikoni, është implementimi i shërbimit të kafesë në zyrë pasi më shumë se 78 % e të rinjve thonë se kafeja është pjesë e rëndësishme e përvojës së tyre të punës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
