Në botën konkurruese të tregut të punës, intervista nuk është thjesht një bisedë, është mundësia juaj për të lënë një përshtypje të pashlyeshme dhe për të dëshmuar se jeni pikërisht personi që kompania kërkon. Pavarësisht nëse po kërkoni punën tuaj të parë apo jeni në kërkim të një hapi të ri në karrierë, përgatitja dhe qartësia janë çelësi për sukses.
Lexo gjithashtu: Të pamotivuar në punë dhe po mendoni të ndyshoni ambient? Zgjidhja mund të jetë brenda kompanisë
Më poshtë do të gjeni pesë strategji që do t’ju ndihmojnë të dalloheni dhe të fitoni besimin e burimeve njerëzore që ju intervistojnë:
- Tregoni se jeni më shumë se thjesht një kandidat
Një intervistë është një moment për të bindur kompaninë që ju nuk jeni vetëm i aftë për punën, por edhe përshtateni me kulturën e saj. Në vend që të përmendni vetëm aftësitë teknike, shpjegoni sesi vlerat dhe qasja juaj përputhen me qëllimet e tyre. Përdorni shembuj konkretë nga përvoja juaj për të treguar sesi keni kontribuar në suksesin e ekipeve të mëparshme dhe për të ndërtuar ura të forta bashkëpunimi.
Një shembull: “Kam vlerësuar gjithmonë rëndësinë e punës së ekipit dhe këtë e kam treguar duke udhëhequr një projekt të suksesshëm që përfundoi para afatit dhe nën buxhetin e caktuar.”
- Përgatituni për pyetjet që përcaktojnë fatin tuaj
Përgjigjet që vijnë pas pyetjes “Pse duhet t’ju punësojmë?” janë art më vete. Ky nuk është një moment për të folur me mburrje, por për të krijuar një histori bindëse që lidhet me kërkesat e kompanisë.
Në vend që të listoni vetëm aftësitë, tregoni sesi ato janë përdorur në situata reale për të sjellë rezultate. Gjithashtu, përfitoni nga kjo pyetje për të theksuar entuziazmin dhe përkushtimin tuaj ndaj pozicionit që synoni.
Lexo gjithashtu: Njerëzit e zgjuar bëjnë shumë punë njëkohësisht. E vërtetë apo Mit?
- Tregoni entuziazmin tuaj
Entuziazmi është ura që lidh aftësitë tuaja me nevojat e kompanisë. Tregoni se e vlerësoni punën e tyre, duke përmendur projekte apo suksese specifike që ju kanë frymëzuar.
Kjo mund të tregohet edhe duke bërë pyetje. Në këtë formë ju tregoni dhe sa të informuar jeni për kompaninë dhe çfarë këndvështrimesh keni.
Pyetje që mund të bëni:
- “Si ka ndikuar puna juaj në ndryshimin e industrisë gjatë këtyre viteve?”
- “Cilat janë prioritetet kryesore të skuadrës tuaj përgjatë muajve të ardhshëm?”
Intervistuesit jo vetëm që do të vlerësojnë përgatitjen tuaj, por edhe kuriozitetin dhe pasionin që tregoni për t’u bërë pjesë e ekipit.
- Hulumtimi është arma juaj më e fortë
Njihni kompaninë më mirë se ata vetë. Zbuloni jo vetëm informacionet bazë, por edhe trendet e fundit në industrinë e tyre dhe sfidat me të cilat përballen.
- Flisni për veten, por me një histori bindëse
Kur flisni për aftësitë dhe përvojën tuaj, përqendrohuni te tregimi i një historie që pasqyron qartë sesi mund të shtoni vlerë për kompaninë. Përdorni shembuj konkretë nga karriera juaj që tregojnë arritjet tuaja dhe ndikimin që keni pasur.
Lexo gjithashtu: 5 mënyra për të shkruar newsletter-a që të gjithë do t’i lexojnë!
Ja një shembull:
“Në rolin tim të mëparshëm, zhvillova një strategji të re marketingu që rriti angazhimin në mediat sociale me 40% brenda tre muajsh. Kjo përvojë më ka pajisur me aftësitë për të sjellë rezultate të ngjashme në ekipin tuaj.”
Gjithashtu, nëse keni boshllëqe në CV, përmendni si mundësi për t’u rritur dhe për të mësuar. Për shembull, mund të tregoni se si një vit pauze ju ndihmoi të zhvilloni aftësi të reja ose të fitoni përvoja ndërkombëtare.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
