Të pasurit i mendojmë si njerëz të paprekshëm, lëvizin me makina luksoze, shtëpi gjigande, ndoshta me jaht apo dhe avionë privat. Ka plot të tillë, por ka dhe nga ata që kanë zgjedhur një jetë të thjesht.
Disa nga njerëzit më të pasur në botë, miliarderë që mund të bëjnë çfarë ju do zemra, veprojnë ndryshe.
Lexoni: Si kursejnë njerëzit më të pasur në botë?
Në vend të kësaj, ata zgjedhin një mënyrë jetese më të thjeshtë, në të cilën kursimi ruhet pavarësisht akumulimit të madh dhe suksesit monetar.
Besojeni ose jo, disa miliarderë me profil të lartë lëvizin nëpër makina të vjetëra që ju dhe unë shohim në rrugë çdo ditë.
Ndoshta ata që kanë shumë kursejnë edhe më shumë…
1. Alice Walton
Gruaja më e pasur në botë me rreth 45 miliardë dollarë pasuri, bashkë-trashëgimtarja e Wal-Mart Alice Walton, është një person që kursen.
Babai i saj dhe themeluesi i Wal-Mart, Sam Walton, ngiste një Ford F-150 të vitit 1979 përpara se të ndërronte jetë. Sot, Walton nget një makinë të re, por sërisht model i vjetër i Ford F-150 King Ranch 2006.
2. Mark Zuckerberg
Themeluesi i Facebook, Mark Zuckerberg duket se nuk është një fans i madh i makinave luksoze.
Në fakt, arsyet e tij se pse zgjedh modelin Acura TSX me vlerë 30,000 $, është siguria, komforti dhe nuk tërheq vëmendjen.
3. Steve Ballmer
Steve Ballmer, pronar i Los Angeles Clippers NBA, ka një lidhje sentimentale me makinën e tij të përballueshme, Ford Fusion Hybrid 2010 që vlerësohet me rreth 28,000 dollarë.
Babai i Ballmerit punonte si menaxher në Ford Motor Company. Për këtë arsye, Ballmer ka ngarë Ford gjatë gjithë jetës së tij.
4. Ingvar Kamprad
Themeluesi i Ikea, Ingvar Kamprad, ka qenë jashtëzakonisht i kursyer, duke pohuar një herë se pothuajse çdo gjë që ai vesh blihet në treg.
Ai madje u zemërua kur pa se mobiljet e vjetra në zyrën qendrore të Ikea ishin zëvendësuar me mobilje moderne.
Për gati njëzet vjet, Kamprad përdori të njëjtën Volvo 240 GL 1993.
5. Warren Buffett
Mbreti i vetë kursimit, kushdo që ka e studiuar apo ka lexuar artikujt tanë për Warren Buffett e di se sa i kursyer është ai.
Ai porosit të njëjtën gjë nga tre opsione të ndryshme nga menuja e McDonald’s çdo mëngjes, 3.17 $ në total, kur tregu është duke ecur mirë dhe ai dëshiron vetëm të mburret.
Lexoni: 4 zakone, që e bënë Warren Buffett një bilioner (dhe do funksionojnë edhe për ju)
Përveç kësaj, Buffett përdori të njëjtën Cadillac DTS 2006 për gati një dekadë para se vajza e tij e bindi atë për marrë një XTS Cadillac të ri me një çmim pakice prej 45,000 $.
“Unë ngas vetëm rreth 3.500 milje në vit kështu që unë nuk kam në plan të blej një makinë të re,” tha ai për Forbes.
/GoalCast
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
