Inteligjenca Artificiale po përhapet me ritme të shpejta. Një studim i fundit i McKinsey zbulon se përdorimi i AI gjeneruese nga organizatat është rritur nga 65% në fillim të vitit 2024 në 71% në mars. Me rritjen e përdorimit nga kompanitë, edhe individët po e shfrytëzojnë teknologjinë për të krijuar burime të ardhura shtesë. Më poshtë janë pesë ide konkrete për të nisur një punë shtesë duke përdorur AI:
1. Krijimi i GPT-ve të personalizuara
Nëse ke njohuri bazë mbi ChatGPT apo mjete të ngjashme, mund t’i përdorësh për të krijuar versione të personalizuara të chatbot-ëve për tregje specifike. Pas krijimit të kodit përmes AI-së, mund ta hostosh atë në një faqe tëndën dhe ta ofrosh me një provë falas, e më pas me një tarifë mujore. Mund të shërbejë për gjithçka, që nga automatizimi i përgjigjeve në e-mail, përpunimi i dokumenteve ligjore, deri te përkthimi i shënimeve në raporte formale. Fokusi duhet të jetë në zgjidhjen e problemeve të bezdisshme që klientët i kanë përmendur, apo që i ke identifikuar vetë në platforma si LinkedIn apo forume profesionale. Një zgjidhje e vetme mund t’i vlejë dhjetëra apo qindra klientëve.
2. Krijimi i mikromjeteve me AI
Edhe nëse nuk ndihesh gati të krijosh një GPT, ende mund të ndërtosh mjete të thjeshta me AI në platforma si Gumloop, ku mund të ndërtosh procese pune përmes drag-and-drop. Mund të krijosh mjete për auditime SEO, vlerësim të kandidatëve për punë, përpunim të të dhënave, etj. Më pas, mund t’i ofrosh këto shërbime për biznese apo profesionistë që kanë nevojë për to.
Lexo edhe:Gjermania “rrëmben” talentet shqiptare, 3.500 Karta Blu në 5 vite
3. Video montazh me AI
Editimi i videove kërkon shumë kohë dhe pengon rritjen e një aktiviteti dytësor. Por me mjete si Veed.IO apo Runway, mund të shkurtojë kohën e montazhit në mënyrë drastike. Këto platforma të ndihmojnë të prerësh video, të rregullosh ngjyrat, të largosh zhurmën e sfondit apo të shtosh titra automatikisht – të gjitha në pak minuta.
4. Dizajn i faqeve web me ndihmën e AI
Dikur, krijimi i një faqeje web kërkonte aftësi të avancuara. Sot, falë inteligjencës artificiale, procesi është shumë më i thjeshtë dhe i arritshëm për këdo. Platforma si Wix apo Jimdo përdorin AI për të ndihmuar në ndërtimin e faqeve vizualisht tërheqëse dhe funksionale, pa qenë nevoja të shkruash kod.
5. Optimizim SEO me AI
Shumë biznese duan të ngjiten më lart në rezultatet e kërkimeve online, por nuk kanë kohë apo ekspertizë për të bërë auditime të thelluara të faqes së tyre. Duke përdorur AI, mund të ndihmosh në optimizimin e përmbajtjes, përmirësimin e meta tag-ëve, analizën e të dhënave dhe propozimin e strategjive që ndikojnë drejtpërdrejt në renditjen në motorët e kërkimit. Platforma si Alli AI, Frase dhe MarketMuse janë pika të mira për të nisur.
Me pak kreativitet dhe aftësi në përdorimin e AI-së, mund të ndërtosh një aktivitet anësor që jo vetëm rrit të ardhurat, por edhe të ndihmon të mësosh aftësi të kërkuara në tregun e punës. Inteligjenca artificiale nuk është më një vegël vetëm për korporatat – tani është në duart e kujtdo që ka dëshirë të eksperimentojë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English