5 këshilla për çdo ditë të javës që të jeni sa më produktiv

Jo të gjitha ditët e javës janë të barabarta dhe ne nuk kemi të njëjtin nivel produktiviteti dhe frymëzimi gjatë gjithë javës. Ka disa gjëra të vogla, që mund të bëni çdo ditë për të filluar javën tuaj sa më mbarë. Ato nuk janë të lidhura drejtpërdrejt me detyrat tuaja profesionale, por ju lejojnë të ndiheni më mirë, më të sigurtë dhe të fortë dhe për këtë arsye, rrisin produktivitetin tuaj.

E Hënë – bëjeni të hënën ditën tuaj më të lumtur

Dita e parë e javës mund të jetë pak e lodhshme, pasi ju duhet të bëni listën e punëve, që duhen mbyllur deri në fund të javës. Por në vetvete edhe kjo është diçka argëtuese, pasi planifikimi i punëve ju ndihmon të keni një javë të mirë dhe ecuria e punëve të jetë ajo që duhet. Duke patur këtë listë të gatshme, ju do të përmirësoni vetëbesimin tuaj dhe do të zhvilloni një qëndrim pozitiv ndaj pjesës tjetër të gjërave që duhen bërë. Një tjetër gjë që duhet të bëni është menaxhimi i stresit. Zgjohuni 15 minuta më herët se zakonisht, meditoni dhe bëni një shëtitje të shkurtër në vend që të drejtoheni drejt dyerve të zyrës. Duke e bërë këtë, ju do ta lini trurin tuaj të mësohet me planet e javës së re.

Lexo:  6 gjërat që duhet të bëni para se të vijë fundjava

E Martë – bëjeni të martën ditën tuaj më pak stresuese

E marta është ndoshta dita më sfiduese e javës. Ju do të ndiheni energjikë dhe keni mjaftueshëm kohë deri në fundjavë për të mbyllur punët. Për të trajtuar ndjenjën e vështirësisë, duhet të përmirësojmë nivelin e energjisë së trupit dhe trurit tonë. Hani disa arra dhe një sasi të vogël çokollate si fruta midis vakteve. Një çaj do të ishte ideal për të nisur ditën e martë. Nëse do të dëshironi që një ditë të punoni nga shtëpia, bëjeni të martën. Kjo gjë që do t’ju lejojë të ndjeheni më të qetë pa ulur nivelin e energjisë.

E Mërkurë – Festoni mesin e javës 

Supozohet që dita e mërkurë nuk është e duhura për të qëndruar në zyrë. Dilni jashtë të çlodheni. Kjo ndihmon për t’u çlodhur nga ana mendore. Nëse komapania ju mundëson që të mëkurën të punoni jashtë atëherë java juaj do të jetë më e kthjellët, më miqësore dhe më e lehtë. Po këtë ditë ju duhet të planifikoni një darkë familjare, pasi nuk keni pse të prisni që të vijë e premtja për të bërë plane. Edhe mesi i javës është i duhuri. Kalimi i një kohe të konsiderueshme me të dashurit tuaj, është më e mira që mund të bëni në mesin e javës.

E Enjte

E enjtja zakonisht është dita më produktive. Gjëja që duhet bërë është përfundimi i punëve të caktuara ditën e hënë. Për të përmirësuar cilësinë e jetës, të gjithë kemi nevojë që të mos përqëndrohemi vetëm në karrierë dhe detyra pune. Rezervoni pak kohë për veten tuaj! E enjtja është një natë ideale për:

• një seancë tjetër fitnesi;
• yoga;
• një shëtitje të gjatë pa makinë;
• për t’i kushtuar hobit tuaj 30 minuta

Lexo: 3 arsye pse fundjavat janë të vështira për sipërmarrësit

Pse këto aktivitete rrisin produktivitetin në punë?

Për shkak se ndërprerja nga qëllimet e biznesit në mes të një jave të ngjeshur ju jep një perspektivë më të mirë dhe është një fakt i vërtetuar psikologjikisht që kalimi midis aktiviteteve plotësisht të ndryshme që kërkojnë lloje të ndryshme të të menduarit, përmirëson efikasitetin në detyrat tuaja.

E Premte

Shumica prej nesh kanë tendencë të pushojnë të Premteve. Për shkak të trukeve të vogla që ne tashmë i dimë, është më e lehtë të bësh gjithçka, pa e tepruar. Por, përpara se të nisemi për të shijuar natën e së premtes, le ta bëjmë më të lehtë fillimin e javës tjetër duke krijuar një listë të re dhe duke zgjedhur një detyrë të lehtë për të realizuar mëngjesin e së hënës së ardhshme! 😉

Medium