42 të infektuar, numri më i lartë i rasteve ditore në Shqipëri

42 pacientë me koronavirus janë zbuluar 24 orët e fundit, duke e çuar totalin e të prekurve në 1341. Kjo është dita me më shumë të infektuar ditorë që prej 9 marsit, datë kur u identifikuan 2 të infektuarit e parë në vend.

Të infektuarit e rinj janë 21 raste në Tiranë, 9 në Shkodër, 4 në Durrës, 3 në Krujë, 2 në Lushnje, dhe nga 1 rast në Pukë, Berat dhe Ura Vajgurore.

Mes të infektuarve të rinj ka kontakte të personave të diagnostikuar më parë, por edhe raste të reja në Durrës, Berat, Pukë, Shkodër, për të cilët po vazhdon hetimi epidemiologjik.

Rastet e Krujës janë qytetarë, të cilët kanë marrë pjesë në një ceremoni mortore, ndaj ministria e Shëndetësisë bën thirrje që të shmangen grumbullimet masive, në mënyrë që të parandalohet përhapjen e virusit.

Marjeta Dervishi, nga ISHP njoftoi se 46 pacientë janë të shtruar në Spitalin Infektiv, 8 janë në terapi intensive, një prej të cilëve është i intubuar.

Lexoni: Ministri Klosi: Të premten vijnë charterat e parë me turistë të huaj

Gjatë 24 orëve të fundit janë shëruar 20 të prekur nga COVID-19, mes të cilëve 8 personel shëndetësor, duke e çuar në 980 numrin e të shëruarve që nga fillimi epidemisë.

Në vendin tonë janë aktualisht 327 persona aktivë me COVID-19, kryesisht në Tiranë dhe Shkodër.

Që prej fillimit të marsit janë testuar mbi 19 mijë persona, prej të cilëve janë:

– 1341 të infektuar,

– 34 viktima;

– 980 të shëruar,

– 327 të infektuar aktivë.

Shpërndarja gjeografike e pacientëve aktivë deri më 10 qershor është:

– Tiranë, 205 pacientë aktivë,

– Shkodër, 38 pacientë aktivë,

– Krujë, 27 pacientë aktivë,

– Kamëz, 19 pacientë aktivë,

– Durrës, 14 pacientë aktivë,

– Mat, 9 pacientë aktivë,

– Lushnje, 6 pacientë aktivë,

– Tropojë, 2 pacient aktivë,

– Korçë, 1 pacient aktiv,

– Librazhd, 1 pacient aktiv,

– Mallakastër, 1 pacient aktiv,

– Lezhë, 1 pacient aktiv,

–Pukë, 1 pacient aktiv,

–Berat, 1 pacient aktiv,

–Ura Vajgurore, 1 pacient aktiv.