4 vitaminat dhe suplementet që merr çdo ditë kjo imunologe për të forcuar sistemin e saj imunitar: "Trupi juaj do t'ju falënderojë" - Business Magazine Albania

4 vitaminat dhe suplementet që merr çdo ditë kjo imunologe për të forcuar sistemin e saj imunitar: “Trupi juaj do t’ju falënderojë”

Në një botë perfekte, ne të gjithë do të kishim akses në një dietë të ekuilibruar, plot me lëndë ushqyese, e cila është e mbushur me yndyrna të shëndetshme, fruta, perime, proteina dhe fibra dhe teorikisht, nuk na duhet të marrim suplemente shtesë vitaminash për të forcuar sistemin tonë imunitar.

Megjithatë, jo vetëm që shumica prej nesh nuk arrijnë t’i plotësojnë këto synime ditore të të ushqyerit, por mund të kemi situata si stresi fizik ose probleme shëndetësore inflamatore kur kemi nevojë për më shumë lëndë ushqyese sesa ato që marrim nga ushqimi.

Si imunologe, gjithmonë them se nuk mund ta nxirrni veten nga shëndei i keq ose të zëvendësoni një dietë të varfër me vitamina, por mund t’i plotësoni boshllëqet tuaja.

Më poshtë janë katër suplementet që marr çdo ditë dhe që shpesh ua rekomandoj pacientëve të mi. Më besoni: Trupi juaj do t’ju falënderojë.

  1. Vitamina C

Meqenëse njerëzit nuk mund të prodhojnë vitaminë C dhe nuk e depozitojnë atë në trup, ajo duhet të rimbushet vazhdimisht.

Vitamina C është një antioksidant i fuqishëm, anti-inflamator dhe forcon qelizat e sistemit tonë imunitar. Përdoret shpejt gjatë infeksionit dhe kur jemi nën stres të jashtëzakonshëm. Ajo gjithashtu përshpejton shërimin e plagëve dhe është e shkëlqyeshme për lëkurën tuaj.

Vitamina C suplementare është gjetur në studime se ul ashpërsinë dhe kohëzgjatjen e një ftohjeje, dhe në studimet e hershme mund të zvogëlojë ashpërsinë e simptomave të pacientëve me Covid të shtruar në spital.

Një dozë e mirë si fillim është 500 miligramë dy herë në ditë për përthithje maksimale.

  1. Vitamina D

Mungesa e vitaminës D është një problem mbarëbotëror, sepse kjo vitaminë modulon kaq shumë aspekte të sistemit tonë imunitar. Ajo e bën sistemin tonë imunitar të lindur më efikas në vrasjen e baktereve dhe viruseve dhe mund të zvogëlojë shpeshtësinë e infeksioneve të rrugëve të sipërme të frymëmarrjes.

Niveli i ulët i vitaminës D ka qenë gjithashtu i lidhur me një incidencë më të lartë të sëmundjeve autoimune si skleroza e shumëfishtë. Për shkak se vitamina D nuk gjendet lehtësisht në shumë ushqime (me përjashtim të peshkut të yndyrshëm, mëlçisë së merlucit dhe ushqimeve të fortifikuara), shumica e njerëzve përfitojnë nga suplementet e vitaminave, veçanërisht në muajt e dimrit ose nëse nuk kalojnë shumë kohë jashtë rregullisht.

Unë sugjeroj të filloni me 1000 deri në 2000 miligramë në ditë, të marra me një vakt.

Lexo edhe: Ky është ‘përbërësi ushqimor më i dëmshëm për sistemin tuaj imunitar’, veçanërisht gjatë Covid-it, thotë imunologu

  1. Zinku

Organizata Botërore e Shëndetësisë raporton se midis 17% dhe 30% e popullsisë botërore ka mungesë zinku, duke ndikuar potencialisht në rezultatet shëndetësore.

Zinku është një mineral me efekte vendimtare në efektivitetin e qelizave dhe citokinave të sistemit tonë imunitar të lindur. Zinku ndihmon në luftimin e viruseve, na mbron nga dëmtimi i qelizave tona nga radikalet e lira dhe ka treguar se shkurton kohëzgjatjen e një ftohjeje kur jepet si suplement.

Zinku gjendet në nivele të larta te viçi dhe gaforrja, dhe në sasi më të ulëta në bishtajore, tofu, farat e kungujve, shqeme, arra dhe fara të tjera. Rekomandonet të shtoni 15 deri në 30 miligramë zink çdo ditë, veçanërisht gjatë muajve të vjeshtës dhe dimrit dhe në shenjat e para të ftohjes ose gripit.

  1. Kurkumin

Kjo substancë është përbërësi kryesor aktiv në rrënjën e shafranit të Indisë dhe ka treguar se jep përfitime të shumta shëndetësore.

Në fakt, ka më shumë se 120 prova klinike njerëzore që tregojnë efektivitetin e kurkuminit në trajtimin e sëmundjeve që variojnë nga autoimuniteti deri te sëmundja e Alzheimerit.

Magjia e kurkuminës është se si zvogëlon inflamacionin në nivele të shumta në trup, jo vetëm duke ndihmuar në lehtësimin e simptomave nga dhimbja dhe artriti, por edhe duke bllokuar citokinat inflamatore që shkaktojnë sëmundje autoimune, sëmundje të zemrës dhe diabetin.

Ajo gjithashtu përmirëson shëndetin e baktereve tona të zorrëve, gjë që shton shëndetin tonë të përgjithshëm imunitar. Për shkak se kurkumina nuk përthithet mirë dhe duhet të hahet sasi e bollshme e rrënjës së shafranit të Indisë për të pasur përfitime të konsiderueshme, rekomandohet që të suplementohet me 1000 miligramë në ditë me ushqim.

cnbc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0