Reporter, Inc.
Liderët më të mirë dinë të komunikojnë edhe pa folur. Ja çfarë mund të mësoni nga zakonet e tyre.
Një lider i madh nuk dallohet vetëm nga ato që thotë. Por gjithashtu edhe nga mënyra se si i thotë fjalët e tij.
Ndaj sipërmarrësit e suksesshem janë gjithashtu mjeshtëra të Gjuhës së trupit (Body Language). Cilat do qofshin lëvizjet e tyre trupore, e sigurtë është se nëpërmjet tyre, këta personazhe përpiqen të reflektojnë personalitetin dhe stilin e tyre.
Le të shohim së bashku gjestikulacionet dhe lëvizjet trupore të disa prej sipërmarrësve më të suksesshëm.
Richard Branson
Lëvizja e preferuar: Takimi me Grusht të mbledhur ose “The fist bump”
Çfarë kuptimi ka për të:
Në blogun e tij, themeluesi i Virgin Group, Richard Branson tregon se ai urren të shtrëngojë duart, pasi në atë mënyrë …
ka rrezik transferimi të mikrobeve dhe njëkohësisht ai beson se “Fist Bump” është më argëtues. Por përveç kësaj, ai përpiqet që me Fist Bump, të ruajë stilin e tij personal, pasi “të qënit Cool, Fun dhe Uncovential” – janë gjëra të cilat e perfaqësojnë më së miri Richard Branson.
Jack Ma
Lëvizja e preferuar: Përshëndetja me 2 gishta të dy duarve “The double thumbs-up”
Çfarë kuptimi ka për të:
Është e rëndësishme të dimë se Body Language mund të ndryshojë sipas kulturave. Në Kinë, ky gjest mund të shihet si një reference ndaj Buddha-s. Për fatin e Jack Ma, themelusit te Ali Baba, ky gjest përktheht pozitivisht edhe në vende të tjera në Europë apo SHBA.
Jack Ma, ka njohuri të thella mbi rikthimet e fuqishme në biznes pas dështimeve. Ai dështoi 2 herë, në provimin për tu futur në kolegj si edhe në tentativën e tij të parë si drejtues biznesi, China Yelloë Pages. (Ai është shprehur se e kanë refuzuar mbi 10 herë nga Universiteti i Harvard).
Ndaj për gjestin e tij, “Double Thumbs up” thuhet se një person si ai, që është përballur me refuzimin shpesh, përpiqet në mënyrë të pandërgjegjshme të inkurajojë njerëzit që ka përballë.
Pra, ajo që Jack Ma po thotë për ata të cilët mbase po përjetojnë të njëjtën ndjesi si ai më pare, është: “MOS HIQNI DORË!”
Mark Zuckerberg
Lëvizja e preferuar: Imiton lëvizjet e personit që takon “Mimicking others”
Çfarë kuptimi ka për të:
Imitimi apo “micmiking” është një gjest i Body Language që tregon ngrohtësi. Fakti që themeluesi i Facebook Mark Zuckerberg imiton lëvizjet e të tjerëve na tregon se ai po përpiqet të kuptojë se nga vjen audienca e tij. Sipas specialistëve të Body Language “Nëse e bëni shpesh këtë gjë, ju e vini veten në vendin e tyre dhe përjetoni mënyrën e tyre të të menduarit duke u bërë më empatik.”
Steve Jobs
Lëvizja e preferuar: Kontakt i fortë me anë të vështrimit “Strong eye contact”
Çfarë kuptimi ka për të:
Aty ku flitet per Body Language, mund të thuhet se mendja të shkon menjëherë tek themeluesi i Apple, Steve Jobs. Ai në prezantimet e tij, angazhonte audiencën dhe bënte lëvizje të dallueshme të cilat reflektonin një energji të jashtëzakonshme. Ajo çka shihet si më e rëndësishmja, Jobs krijonte “eye contact”, kontakt sy më sy me pjesëtarët e audiencës së tij. Ky gjest i mbante ata të angazhuar përgjatë gjithë kohës në të cilën ai fliste.
Si përfundim, çfarëdo gjesti apo lëvizje trupore të përdorni, e rëndësishme është të jeni autentikë:
“Duhet të gjeni një stil i cili rezonon me audiencën tuaj por që në të njëjtën kohë të përshtatet me atë që ju jeni në të vërtetë.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
