3 pyetjet që duhet t’i shmangim gjatë një bisede


Ekzistojnë disa pyetje që ne i bëjmë zakonisht për të nisur një bisedë me dikë të sapo njohur. Ne i përdorim këto për të shmangur sikletin dhe për t’u njohur më shumë me ta. Dhe ndërkohë që shumë prej këtyre pyetjeve kanë për qëllim të krijojnë një urë lidhëse me personin që kemi përballë, ato ndonjëherë mund të krijojnë një situatë të sikletshme në varësi se si nënkuptohet.

Lexoni: 3 pyetje që do t’ju ndihmojnë të bini sërish në dashuri me biznesin tuaj

Për të komunikuar më mirë me të tjerët, përpiquni të shpreheni pak më ndryshe me këto tre pyetje të zakonshme:

Ndaloni së pyeturi: “Çfarë pune bëni?”

Kjo pyetje klasike për thyrjen e akullit nuk shihet si problematike, por mund të merret dhe si e tillë. Nëse i bëni këtë pyetje dikujt që takoni për herë të parë, mund t’ju jepni atyre përshtypjen se ju mendoni se puna e tyre është pjesa më e rëndësishme e identitetit të tyre.

Ju mund të pyesni: “Më tregoni për veten tuaj”

Një pyetje si kjo e lejon personin me të cilin po flisni për të marrë në dorë diskutimin dhe të thotë çdo gjë që do të ndajë për veten.

Ndaloni së pyeturi: “Keni ndonjë plan argëtues për këtë fundjavë?”

Ndoshta, ashtu si unë, ideja juaj për një fundjavë “argëtuese” është ajo ku hani një tas me makarona me njerëz me të cilët ju pëlqen të flisni dhe të qëndroni në divan duke parë televizor. Apo ndoshta është kur fëmijët tuaj kanë dalë të luajnë jashtë dhe ju të shijoni qetësinë e shtëpisë suaj për disa orë. Çështja është se ne të gjithë kemi përkufizime të ndryshme për atë që e bën një fundjavë argëtuese dhe duke bërë këtë pyetje ju do të vini në siklet personin përballë, sepse ata nuk janë të sigurtë se si të krahasohen tuaj. Plus, në qoftë se ata nuk kanë plane atëherë do të jetë akoma më e sikletshme.

Ju mund të pyesni: “Si po planifikoni të kaloni fundjavën tuaj?”

Nëse e mbani të hapur pyetjen, do të mësoni më shumë për personin me të cilin po flisni dhe po i jepni bisedës më shumë ngjyra. Ata do ju përgjigjen me sinqeritet dhe do të jenë më të çlirët gjatë përgjigjes.

Lexoni: Si njerëzit e zgjuar bëjnë pyetje të mëdha dhe marrin përgjigje më të mira

Ndaloni së pyeturi: “A nuk mendoni se?”

Kur i bëni dikujt një pyetje, qëllimi juaj duhet të jetë të mësoni prej tyre, por nëse e përfundoni me pyetjen “a nuk mendoni se?”, ju nuk po mësoni, thjesht po inkurajoni personin tjetër që të konfirmojë perspektivën tuaj.

Ju mund të pyesni: “Çfarë mendoni?”

Me këtë riformulim të thjeshtë, pyetja tani është projektuar për të mësuar, në vend që të kërkoni për miratim.

burimi: ThriveGlobal

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale