3 pyetje që do t’ju ndihmojnë të bini sërish në dashuri me biznesin tuaj


Është e natyrshme të sakrifikojmë kohën, hobin dhe madje edhe kulturën tonë të punës në ndjekjen e diçkaje më të madhe. Por, përgjatë rrugës, mund të konsumohet edhe dashuria për biznesin tonë.

Çfarë ndodh kur na shteron dashuria për biznesin tonë?

Është një pyetje e zakonshme, përgjigjia e së cilës bëhet e vështirë kur je një president, partner apo pronar.

Si të riorientohemi? Si të rilindim dashurinë për punën dhe qëllimin tonë? Thjesht i bëjmë vetes këto tre pyetje.

  1. Çfarë më duhet nga biznesi im?

Kur ndërtojmë një biznes ne jemi të zënë për të krijuar një bazë klientësh. Ne pyesim vazhdimisht klientët tanë, punonjësit dhe partnerët për nevojat e tyre. Ne ndryshojmë, përsërisim dhe krijojmë. Kjo është e pritshme dhe normale. Është shenjë e një lideri të fortë të mendojë për të tjerët.

Shumë nga ne duhe t’i kujtojmë vetes çfarë është e mirë, e shëndetshme dhe e nevojshme të mendojmë për veten tonë gjithashtu. Këtu përfshihet gjithçka, nga nevojat financiare tek ato emocionale. Ne kemi nevojë për përfitime për familjen dhe të ardhmen tonë. Kemi nevojë për më shumë kohë larg biznesit dhe besueshmëri tek ata që na rrethojnë.

Çfarëdo që ju nevojitet, bëni një listë dhe bëjeni të dukshme. Kur bashkojmë nevojat tona me nevojat e atyre që na rrethojnë, ne krijojmë një fitore të favorshme për gjithë organizatën tonë.

  1. Çfarë më duhet nga ekipi im?

Është e vështirë të shprehim atë që na nevojitet nga ata që na rrethojnë. Edhe pyetja vet tingëllon egoiste, por në fakt është e kundërta. Çdokush në ekipin tuaj ka nevoja. Por për t’i komunikuar hapur është diçka që jo shumë dinë ta bëjnë.

Fillimi i bisedës mund të duket i çuditshëm në fillim. Është e lehtë për drejtuesit të hamendësojnë për përgjigjet e këtyre njerëzve nëse ju flisni hapur dhe ndani me ta nevojat tuaja. Por të qenit i ndershëm me ekipin tuaj, është një nga hapat kryesor për të rënë në dashuri me biznesin dhe punën tuaj. Ata luajnë një rol thelbësor duke ju ndihmuar të arrini aty ku synoni, por duke u ndjerë të lumtur që po e bëjnë këtë.

Kur hapeni me ekipin tuaj ju po i ftoni ata të bëjnë të njëjtën gjë, drejtuesit e guximshëm ushqejnë guximin tek të tjerët. Dhe njerëzit e adhurojnë kur ndihen sikur janë pjesë e ekipit të ëndrrave.

  1. Cilat janë disa rregulla të vjetra apo besime prej të cilave duhet të heq dorë këtë vit?

Shumë nga ne varen në rregulla të vjetra dhe besime pa e kuptuar fare.

  • Unë duhet t’i bëj njerëzit të lumtur.
  • Duhet të jem në punë në orën 8.
  • Duhet të kontrolloj email-in edhe kur jam me pushime.
  • Vetëm unë mund ta bëj këtë detyrë.
  • Unë nuk jam i suksesshëm nëse nuk arrijmë “x” fitime.

Cilatdo qofshin këto rregulla, shumë prej tyre nuk fliten, e të tjerave u ka mbaruar afati.

Nëse do të zhvillosh më shumë ndjenjën e vetbesimit, kënaqësisë dhe lumturisë, merrni parasysh rregullat në biznesin dhe jetën tuaj. Sa prej tyre duhet të eleminohen përfundimisht? Sa janë të vjetëruara? Cilat rregulla të reja mund të përdorni që të ndiheni të përafruar me vlerat tuaja?

Rikthimi ose rikrijimi i pasionit tuaj është një udhëtim.

Por, është gjithashtu një mundësi e mrekullueshme dhe duhet të mbushet me kureshtje. Mos lejoni që ndjenjat tuaja të dyshimit ose konfuzionit të errësojnë një tremujor tjetër. Jini të ndershëm me ata përreth jush, komunikoni nevojat tuaja dhe ftoni të tjerët që të bëjnë të njëjtën gjë.

Biznesi ka nevojë për ju dhe ju keni nevojë për biznesin tuaj.

/Entrepreneur

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale