3 mënyra sesi njerëzit t’iu besojnë

3 mënyra sesi njerëzit t’ju besojnë


 

Në biznes ashtu si në jetë, marrëdhëniet tuaja janë gjithçka. Themeli i marrëdhënieve të mira është besimi.

Të ndërtosh besimin kërkon shumë kohë, por për t’a prishur atë duhen vetëm disa minuta. Suksesi mund të arrihet vetëm me njerëz të besuar. Ju nuk mund t’ia dilni vetëm. Nëse doni të realizoni vërtet gjërat që keni ëndërruar, ju do të keni nevojë për një skuadër njerëzish që ju mbështesin.

Pra, si mund t’a ndërtoni besimin? Është e thjeshtë, duke thënë të vërtetën. Ndonjëherë do të jetë e vështirë dhe e sikletshme, por kur drejtoni një ekip me ndershmëri, gjërat do të shkojnë siç duhet në fund. Situatat e vështira janë mundësi për të krijuar besim. Mos u largoni prej tyre, shfrytëzojini për të qenë të suksesshëm.

Bëni këto 3 veprime dhe shikoni sesi do të lulëzojnë marrëdhëniet tuaja

Tregohuni të sinqertë për takimet e humbura

“Së fundi diçka e tillë më ndodhi mua. Mezi prisja të intervistoja dikë që e ndjek në LinkedIn. Ky person e anuloi takimin me mua disa herë, madje edhe në minutën e fundit, që sinqerisht nuk është ndonjë gjë e madhe. Por më vonë, zbulova në internet arsyen pse u trondita. Ky person kishte një mundësi më të madhe dhe më të mirë që do t’i ofronte shpërblime financiare. Unë e pranoj këtë situatë, është vetëm biznes. Në fakt, e respektoj atë. Mënyra sesi personi më trajtoi dhe fakti që e anuloi përsëri takimin pa asnjë shpjegim, më shkaktoi mosbesim. Nuk do të harxhoj më kohë duke u përpjekur të krijoj një marrëdhënie me këtë person”, shkruan Stephen Key, autor i librit ‘Simple Idea Series’.

Pranojini gabimet tuaja

Së fundi, dikush që njoh kishte dërguar një e-mail ku përfshiheshin adresat e 250 njerëzve. Kjo është një gafë e shekullit të 21. Disa njerëz ishin të mërzitur që adresat e tyre të email-eve ishin shpërndarë kaq pa kujdes dhe disa të tjerë reaguan duke e shprehur pakënaqësinë e tyre. Përgjigjia e këtij personi ishte “E ka bërë asistentja ime”. Ky është një gabim i madh. Është zgjidhje e keqe t’ia hedhësh fajin dikujt tjetër. Pranojini përgjegjësitë e veprimeve tuaja, madje bëjeni shpejt. Në këtë mënyrë mund të krijoni besim.

Lexoni: Si të fitoni vetëbesimin?

Gabimet janë universale dhe të pashmangshme. Madje ndodhin gjatë gjithë kohës. Të gjithë e kuptojmë këtë. Ajo që ka rëndësi tek të tjerët, është mënyra sesi u përgjigjeni këtyre gabimeve.

Jini të patundur ndaj motiveve tuaja

Punonjësit vijnë dhe shkojnë. Kjo është normale. Menaxherët e mirë duan që punonjësit e tyre të rriten si individë. Kjo do të thotë t’i mësoni ata sesi të largohen prej jush dhe të ecin përpara. Në këtë mënyrë, ju po i ndihmoni të shkojnë pas gjërave që u interesojnë. Kjo mund të tingëllojë si çmenduri, por nuk ka mënyrë më të mirë për të ndërtuar një marrëdhënie të suksesshme dhe afatgjatë. Kur të vendosni se është koha të largoheni nga vendi aktual i punës, është mirë t’a shpjegoni pse. Shefi juaj do t’a vlerësojë dhe duke e bërë këtë, ju e lini të hapur mundësinë për të punuar bashkë në të ardhmen.

Ja një shembull tjetër: Le të themi se ka shumë kompani të interesuara për të liçensuar produktin tuaj. Ky është një skenar ideal për një zhvillues produkti, por edhe pak i ndërlikuar. Të gjithë duan të fitojnë marrëveshjen më të mirë, por ka përfitime të tjera në këndvështrimin afatgjatë.

Kuptojeni se këto kompani po harxhojnë kohën dhe paratë e tyre duke testuar produktin tuaj. Ata nuk duan të zbulojnë më vonë që keni pranuar një ofertë tjetër. Nëse nuk e respektoni këtë skenar siç duhet, do t’a shkatërroni besimin  që kishit ndërtuar deri tani.  Qasja më e mirë është të jeni të sinqertë dhe t’i tregoni secilës palë se për produktin tuaj ka interes edhe nga kompani të tjera. Duke vepruar kështu, ju u jepni atyre mundësinë që të ecin përpara më shpejt ose të largohen. Askush nuk i pëlqen surprizat. Kur i jepni dikujt mundësinë për të marrë një vendim, kjo krijon besim.

“Muajin e kaluar, botova një libër të ri për të ndihmuar ekspertët të reklamonin produktet e tyre. Intervistimi i rreth 30 ekspertëve në 17 industri të ndryshme më ndihmoi të kuptoja më mirë sesi ekspertët mund të bëhen më të suksesshëm duke liçensuar idetë e tyre të produktit. Këta ekspertë më pyesnin vazhdimisht, “Ne duam të krijojmë një marrëdhënie – një marrëdhënie ku mund t’i besojmë njëri-tjetrit”, shkruan Stephen Key.

Pra, bëhuni të sinqertë. Sa të besueshëm jeni në marrëdhëniet tuaja?

Entrepreneur

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0