20 raste me COVID-19, infektohet për herë të dytë një personel shëndetësor

20 pacientë me koronavirus janë zbuluar 24 orët e fundit, duke e çuar totalin e të prekurve në 1232.

Një grua 85-vjeçare ka ndërruar jetë mbrëmjen e 5 qershorit, duke e çuar në 34 numrin e viktimave nga koronavirusi.

Flutura Beqo, nga ISHP bëri me dije se 10 raste janë në Tiranë, 3 në Krujë, 3 në Shkodër, 2 në Durrës dhe 2 në Tropojë.

Mes rasteve të së shtunës, është konfirmuar si i riinfektuar, 3 muaj pasi ishte infektuar për herë të parë, një personal shëndetësor, i riinekftuar prej kontakteve familjare. Sipas ministrisë së Shëndetësisë ai është në gjendje të stabilizuar shëndetësore.

Lexoni: Mësimi online gjatë pandemisë, 95% e familjeve rome pa qasje në internet

27 pacientë janë të shtruar në Spitalin Infektiv, 6 janë në terapi intensive, një prej të cilëve i intubuar.

Gjatë 24 orëve të fundit janë shëruar 15 qytetarë, duke e çuar në 925 numrin e të shëruarve që nga fillimi epidemisë.

Që prej fillimit të marsit janë testuar mbi 18 mijë persona, prej të cilëve janë:

– 1232 të infektuar,

– 34 viktima;

– 925 të shëruar,

– 273 të infektuar aktivë;

Shpërndarja gjeografike e pacientëve aktivë deri më 6 qershor është:

– Tiranë, 187 pacientë aktivë,

– Durrës, 10 pacientë aktivë,

– Krujë, 23 pacientë aktivë,

– Shkodër, 17 pacientë aktivë,

– Kamëz, 14 pacientë aktivë,

– Mat, 9 pacientë aktivë,

– Lushnje, 6 pacientë aktivë,

– Berat, 2 pacientë aktivë,

– Fier, 2 pacientë aktivë,

– Tropojë 2 pacientë aktivë,

– Korçë, 1 pacient aktiv,

– Librazhd, 1 pacient aktiv,

– Mallakastër, 1 pacient aktiv.