Cilat janë qytetet më të mira për të jetuar në botë? Përgjigjen ndaj kësaj pyetjeje e jep çdo vit The Economist Intelligence Unit (EIU), përmes raportit të saj të përvitshëm Global Liveability Index. Edicioni i vitit 2025 vlerëson 173 qytete nga e gjithë bota, bazuar në 30 indikatorë të ndarë në pesë kategori kryesore: stabilitet, shëndetësi, kulturë dhe mjedis, arsim dhe infrastrukturë. Çdo qytet merr një vlerësim nga 0 në 100 pikë, që reflekton komoditetin dhe cilësinë e jetesës që ofron. Më pas, qytetet renditen nga më të jetueshmet, te ato më pak të dëshirueshmet.
Copenhagen, qyteti më i jetueshëm në botë për 2025
Për herë të parë që nga viti 2022, Vjena nuk mban më vendin e parë. Copenhaga, kryeqyteti i Danimarkës, kryeson listën si qyteti më i mirë për të jetuar në vitin 2025, duke marrë vlerësime maksimale (100 pikë) në stabilitet, arsim dhe infrastrukturë. Me një total prej 98 pikësh, Copenhaga lë pas Vjenën, e cila këtë vit merr 97.1 pikë. Çfarë ndikoi në rënien e Vjenës? Sipas raportit të EIU, disa incidente që lidhen me sigurinë, përfshirë një kërcënim për bombë në verën e vitit 2024, që anuloi koncertin e Taylor Swift, dhe një tentativë për sulm në një stacion treni në fillim të vitit 2025, zbehën ndjeshëm pikët e saj në kategorinë e stabilitetit. Këtë vit, Vjena ndan vendin e dytë me Cyrihun, ndërsa ky i fundit ngjitet nga vendi i gjashtë (në 2023) në podium.
Lexo edhe:Puna nga shtëpia po bie globalisht, a është ky fundi i fleksibilitetit?
Top 20 qytetet më të mira për të jetuar në botë – 2025
- Copenhagen, Danimarkë
- Vjenë, Austri (barazim)
- Cyrih, Zvicër (barazim)
- Melburn, Australi
- Gjenevë, Zvicër
- Sidnei, Australi
- Osaka, Japoni (barazim)
- Auckland, Zelandë e Re (barazim)
- Adelaide, Australi
- Vancouver, Kanada
- Luksemburg
- Toronto, Kanada
- Helsinki, Finlandë
- Tokio, Japoni
- Perth, Australi
- Brisbane, Australi
- Frankfurt, Gjermani
- Calgary, Kanada
- Amsterdam, Holandë
- Wellington, Zelandë e Re
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
