Përmes një linje direkte fluturimi, kanë mbërritur këtë fundjavë në Tirana International Airport (TIA) pasagjerët e parë nga Izraeli. Burimet zyrtare nga TIA, bëjnë të ditur se u pritën 184 pasagjerët e parë të Israir Airlines, avioni i cili, fluturoi nga Tel Aviv drejt kryeqytetit të Shqipërisë.
TIA organizoi një ceremoni të vogël me rastin e fillimit të operimit të destinacionit të ri nga qyteti i Izraelit drejt Tiranës. Linja e re është programuar çdo të martë dhe të premte deri në fund të shtatorit dhe do të shërbejë për të forcuar marrëdhëniet ndërmjet Shqipërisë dhe Izraelit, veçanërisht në fushën e ekonomisë.
“Ky lajm na gëzon shumë. TIA i mbështet këto destinacione financiarisht me qëllimin për të zhvilluar turizimin dhe për ta ngritur në një shkallë më lart, imazhin e Shqipërisë,” u shpreh Dr Rolf Castro-Vasquez, Drejtori i Përgjithshëm Ekzekutiv i TIA-s.
Lexoni: Wizz Air, nis fluturimet Tiranë-Londër
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English