Ndryshimet në paketën fiskale janë miratuar tashme nga qeveria shqiptare. Ndryshimet kryesore janë tek Tatim fitimi dhe TVSH.
Tatimi fitimi
Fitimi nga shitblerja e pronës tatohet 15 %.
Shkëmbimi i truallit me sipërfaqe ndërtimi, në bazë të një kontrate shkëmbimi, nuk përbën moment për llogaritje të ndonjë fitimi kapital nga transferimi i pasurisë së paluajtshme”.
Shkalla e tatimit mbi fitimin është:
5% për tatimpaguesit me të ardhura deri në 14 milionë lekë në vit.
15% për tatimpaguesit me të ardhura mbi 14 milionë lekë në vit.”
“Kooperativat” dhe agroturizmi
Për personat juridikë, të parashikuara nga ligji “Për shoqëritë e bashkëpunimit bujqësor”, shkalla e tatimit mbi fitimin është 5%.
Për personat juridikë, të cilët zhvillojnë veprimtari agroturistike të certifikuar si “agroturizëm”, sipas ligjit “Për turizmin”, shkalla e tatimit mbi fitimin është 5%.
Lexoni: Konfindustria: të rikthehet taksa e sheshtë
Norma e reduktuar e tatimit mbi fitimin 5%, aplikohet për një periudhë 10-vjeçare për ato struktura, të cilat përfitojnë statusin “subjekt i certifikuar agroturizmi” deri në dhjetor 2021. Efektet e normës së reduktuar fillojnë në vitin pasardhës pas përfitimit të statusit “subjekt i certifikuar agroturizmi.”.
Lojërat e fatit
Tatimi mbi lojërat e fatit aplikohet 15% mbi të ardhurat bruto nga loja për të gjitha kategoritë e lojërave të fatit, përfshirë Lotarinë Kombëtare. (E ardhura bruto është vlera e mbetur organizatorit nga diferenca midis vlerës totale të luajtur dhe vlerës së fituar)
Tatimi mbi Vlerën e Shtuar
TVSH 6 % aplikohet për furnizimin e shërbimit të akomodimit, restorantit, të ofruar brenda strukturave në të cilat zhvillohet veprimtari pritëse e certifikuar si “agroturizëm”. Përjashtohen të ofruar në këto struktura.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
