Dëmet e pallogaritshme të një lajmi të rremë. Kolegji Universitar “Bedër” tryezë për “fake news”
Përditësuar së fundmi: 16/05/2018

Dëmet e pallogaritshme të një lajmi të rremë. Kolegji Universitar “Bedër” tryezë për “fake news”

Share
nga Albana Mucaj
Maj 16, 2018

Pak muaj më parë, një prej kompanive më të mëdha të bimëve mjekësore në vend rrezikoi falimentin, pasi mediat publikuan fabrikën e saj, gjatë dhënies së lajmit për sekuestrimin e mbi 6 tonëve drogë, në një magazinë afër fabrikës. Flitej për kompaninë e tregtimit të bananëve tashmë në hetim, por ndërkohë, sipërmarrësve të bimëve mjekësore iu desh të udhëtonin përtej kontinentit për të shpëtuar kontratat me klientët e tyre.

Lajmi i rremë, në mënyrë të pa qëllimshme në këtë rast, (në mungesë verifikimi informacioni), e me keq akoma për më shumë klikime, apo politikisht të orientuar, sjell dëme të mëdha në individin e shoqërinë.

Lexoni më shumë: Keq informimi: kompania e bimëve mjekësore “Albkalustyan” në prag katastrofe

Në një tryezë të rrumbullakët zhvilluar në Kolegjin Universitar “Beder”, u sollën shumë histori reale shqiptare dhe u vunë në pikëpyetje shumë parime mbi të cilat po zhvillohet informacioni sot.

Tema e hapur, “Fake News, problem i medias apo i demokracisë?” mblodhi përfaqësues të medias dhe fushës së marketingut, të cilët ngritën shqetësimet për përmasat e dëmshme.

Ambasadori i OSBE-së në Shqipëri, Bernd Borchardt, theksoi se, përmes teknologjisë problemi është bërë i ndjeshëm, pasi sot teknologjia është pjesë e jetës së përditshme dhe jemi një botë të ndikuar nga interesat ekonomike të klikimeve.

Në rast se nuk bëhet dot një verifikim, në kushtet e informacionit të gabuar, përgënjeshtrimi do të ishte një zgjidhe sipas eksertëve. Eva Kushova, ish këshilltare në ministri të rëndësishme, sot sipërmarrëse në fushën e marketingut e komunikimit, tregon se në veçanti në shqipëri, indvidi është i pambrojtur dhe nuk arrin të sugurojë të drejtëvën para lajmeve të rreme.

Përtej zhvillimeve, përgjegjësia për lajme cilësore bie sërish mbi median dhe formimin e duhur të gazetarëve.

Ferdinand Gjana, Rektori i “Bedër”, vuri në dukje se, “Gazetari i luftës është i dëshiruar, por duhet të sigurohet prodhimi i gazetarit të paqes, gazetarit që zbut konfliktet dhe që kujdeset për çëshjet sociale”.

Së fundi, në Shqipëri është ngritur një media kushtuar verifikimit të lajmeve me emrin “Faktoje”.



Evente