150 ndërmarrje pjesë e programit të këshillimit të BERZH - Business Magazine Albania

150 ndërmarrje pjesë e programit të këshillimit të BERZH


Mbi 150 ndërmarrje kanë përfituar mbështetje nga programi për “Këshillimin e Bizneseve të Vogla në Shqipëri”

Falë transferimit të njohurive, Ndërmarrjet Vogla dhe të Mesme (NMV) në Shqipëri janë bërë më konkuruese dhe inovative

BERZH, BE dhe Ministria e Financave dhe Ekonomisë organizuan një aktivitet për të kremtuar arritjet e këtij bashkëpunimi në tre vitet e fundit

Banka Evropiane për Rindërtim dhe Zhvillim (BERZH) ka zbatuar një program tre-vjeçar për këshillimin e Ndërmarrjeve të Vogla dhe të Mesme në Shqipëri, të financuar nga Bashkimi Evropian me vlerë rreth 2 milionë Euro.

Mbi 150 ndërmarrje janë mbështetur nga programi duke përfituar nga asistenca e konsulentëve vendas dhe ekspertëve ndërkombëtarë të industrisë. Ky program ka ndihmuar bizneset e vogla dhe të mesme të përftojnë njohuritë e nevojshme për t’u zhvilluar e për t’u bërë më konkuruese në tregjet rajonale dhe ato të Bashkimit Evropian.

Programi ka arritur rezultate në rritjen e konkurueshmërisë së NMV-ve, si dhe në rritjen e kapaciteteve të inovacionit dhe aftësisë për të tërhequr investime përmes përmirësimit të cilësive drejtuese, zhvillimit strategjik, marketingut, rritjes së eksporteve, menaxhimit të burimeve njerëzore dhe efiçencës në energji.

Si rezultat i programit, 85% e kompanive raportuan rritje në të ardhurat e tyre, 58 % raportuan rritje në numrin e punonjësve, mbi 70% e kompanive përfituese raportuan rritje në produktivitet, ndërsa 74% e kompanive eksportuese raportuan një rritje në volumet e eksportit .

BE është donatori më i madh individual i BERZH në pesë vitet e fundit që mbështet aktivitetet e Bankës në të gjithë vendet ku ajo operon. Ky program për këshillimin e NMV-ve vjen në vijim të programit prej 1 Milionë Euro të financuar nga BE për BERZH në 2008 dhe ka ndihmuar ndërmarrjet e vogla e të mesme në Shqipëri të adresojnë sfidat e brendshme që pengojnë rritjen e tyre. Që prej fillimit të aktivitetit në Shqipëri, BERZH ka investuar përafërsisht mbi 1 miliardë euro në mbi 80 projekte në sektorë të ndryshëm të ekonomisë vendase.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0