Teksa shumica e shërbimeve të transmetimit Video-On-Demand janë ende në fazat e rritjes dhe lulëzimit të tyre, një sfidë e re po shfaqet për kompanitë që shpresojnë të jenë lojtarë të fortë në këtë treg.
Firma konsulente globale Deloitte ka publikuar parashikimet e saj në fushën e teknologjisë, medias dhe telekomunikimit për vitin 2022 dhe një prej këtyre parashikimeve me siguri do t’u interesojë kompanive lider në biznesin e transmetimit ose atyre kompanive që aspirojnë këtë biznes.
Deloitte parashikon se më shumë se 150 milionë njerëz do të anulojnë abonimet e paguara në platformat që ofrojnë shërbimin Video-On-Demand në vitin 2022, me një shkallë globale të frenimit prej 30%.
“Edhe pse numri i anullimeve të abonimeve të paguara duket i lartë, nga ana tjetër shohim potencialin e shtimit të shërbimeve të reja, kështu që ne parashikojmë se në përgjithësi do të shtohen më shumë abonime të paguara sesa të anulluara dhe se numri mesatar i përgjithshëm i abonimeve për person do të rritet,” shprehet Jana Arbanas, drejtuese e sektorit të telekomunikimit, medias dhe teknologjisë në SHBA për Deloitte.
Sfida për kompanitë që ofrojnë shërbimet e transmetimit është balancimi i nevojës për të zgjeruar bazën e abonentëve duke tërhequr abonentë të rinj dhe njëkohësisht menaxhimin dhe ruajtjen e abonentëve ekzistues duke i mbajtur ata të angazhuar pas platformave të tyre.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
