15 pacientë me koronavirus janë zbuluar 24 orët e fundit, duke e çuar totalin e të prekurve në 1137. 11 raste janë identifikuar në Tiranë, 3 në Krujë dhe 1 në Kamëz.
11 raste janë kontakte të rasteve të mëparshme. Ndërsa për 4 rastet e reja vazhdon hetimi epidemiologjik. Në 24 orë janë testuar 35 personel shëndetësor, dhe kanë dalë pozitiv me Covid-19, 2 raste.
Genta Qirjako, nga ISHP bëri me dije se gjatë 24 orëve të fundit janë shëruar 15 qytetarë.
Nga fillimi i pandemisë deri më sot janë regjistruar 1136 raste me koronavirus të konfirmuara dhe 231 raste janë aktive. Ata ndodhen kryesisht në Tiranë, Durrës dhe në Krujë.
Që prej fillimit të marsit janë testuar mbi 16 mijë persona, prej të cilëve janë:
– 1136 të infektuar,
– 33 viktima;
– 857 të shëruar,
– 232 të infektuar aktivë;
Në spitalin Infektiv aktualisht po marrin shërbim 31 pacientë, nga të cilët 4 janë në terapi intensive, njëri prej tyre është i intubuar.
Shpërndarja gjeografike e pacientëve aktivë deri më 31 maj është:
Tiranë, 148 pacientë aktivë,
– Durrës, 27 pacientë aktivë,
– Krujë, 17 pacientë aktivë,
– Shkodër, 10 pacientë aktivë,
– Berat, 2 pacientë aktivë,
– Kamëz, 10 pacientë aktivë,
– Mat, 8 pacientë aktivë,
– Lushnje, 6 pacientë aktivë,
– Fier, 2 pacientë aktivë,
– Korçë, 1 pacient aktiv,
– Librazhd, 1 pacient aktiv.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
