11 pyetjet që të gjithë menaxherët duhet t’ia bëjnë vetes


Por, në këtë realitet të biznesit ku zor se mbushesh me frymë mund të ndalesh një moment, të shohësh përreth teje dhe të marrësh frymë thellë për të vlerësuar atë që po bën dhe si je duke e bërë. Në frymën e kësaj, këto janë ato 11 pyetjet që të gjithë menaxherët duhet t’ia drejtojnë vetes.

1. A jam duke shpenzuar energjitë e mia në gjërat e duhura? Po i kushtoj vëmendjen e duhur fushave të biznesit që kanë më shumë nevojë për vëmendjen time apo po tentoj të merrem me ato funksione që janë më të thjeshtat ose që më pëlqejnë më shumë?

2. Sa mirë i kuptoj çështjet e kompanisë? Kjo mund të jetë e dukshme në një kompani të vogël, por jo kaq e qartë në një kompani të madhe. Po e kuptoj drejtë se si po fitohen paratë: të ardhurat marxhinale, oportunitetet dhe sfidat kërcënuese? Sa më në brendësi të biznesit tuaj të jeni, aq më mirë do të kuptoni kontekstin tuaj në kompani për të konkluduar në vendimmarrje të drejta.

3. Pse konsumatorët gjejnë vlerë te ne? Çfarë është ajo që vlerësojnë më shumë rreth biznesit tuaj-cilat produkte apo shërbime janë më tepër të vlerësuara? Është gjithmonë mirë të keni një përqasje sa brenda-jashtë të asaj se çfarë opinioni kanë konsumatorët tuaj rreth jush.

4. Sa mirë po u përqasem punonjësve? A kam patur mundësi t’i njoh personalisht? A i njoh pikat e tyre të forta dhe të dobëta, aspiratat e tyre? Mos shpresoni se do të arrini t’i motivoni, nëse nuk ofroni pak nga vetja për t’i njohur personalisht.

5. A më siguron kapitali njerëzor rezultatet e dëshiruara për biznesin? Kontabiliteti është thelbësor sepse në fund të fundit biznesi nuk është asgjë nëse nuk është i orientuar nga rezultatet. Sudimet tregojnë se një përqindje e mirë e menaxherëve të nivelit të lartë kanë probleme me kontabilitetin.

6. A po arrijnë aftësitë e mia të zhvillojnë punonjësit e mi? Duke qenë se një nga treguesit kryesorë të përfitueshmërisë së biznesit ROI (Return On Investments-Kthimi nga Investimi) është i vështirë për t’u matur në këtë pikë , zhvillimi i punonjësve është një funksion përgjithësisht që neglizhohet. Besnikëria është esenciale në marrëdhënien menaxher-punonjës.

7. Çfarë e mban menaxherin tim zgjuar gjatë natës? Të mendosh një ose dy nivele menaxheriale sipër teje është një ushtrim shumë produktiv që të jep një pamje të përgjithshme të të gjithë kornizës së kompanisë. Qëndroji arsyetimit se sa më të gjëra njohuritë e tua, aq më i/e vlefshme do të jesh.

8. A jam një bashkëunëtor i/e mirë? Në një organizatë të madhe të duhet patjetër të punosh ngushtësisht me individët për të kryer punët. A po bashkëpunoni natyrshëm apo jeni ngurrues?

9. A jam etik dhe i drejtë kur punoj me të tjerët? Jo më larg se kohët e fundit pamë rastin e Volksvagen-it për emetimet e dëmshme të oksidit të azotit në atmosferë. Të mos respektosh komunitetin, ka kosto shumë të mëdha, ndonjëherë rezulton fatale.

10. A përpiqem t’i zgjidh direkt situatat e vështira? Apo kam tendencën e pashmangshme të natyrës njerëzore që fokusohem në projekte që janë më pak problematike..më pak të mërzitshme dhe që të japin më shumë kënaqësi, por që në terma afatgjatë kanë më pak rëndësi?

11. A jam një shembull që të tjerët do ta ndiqnin pa hezituar? Jeta jote menaxheriale do ishte shumë herë më e lehtë nëse ia dilnit të bënit këtë. Besnikëria sjell produktivitetin. Një shembull pozitiv është një metodë më pak e dhimbshme dhe më e fuqishme për ta lehtësuar punën tuaj: sepse punonjësit dëshirojnë të ndjekin shembullin tuaj.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale