10 thëniet e mia të preferuara mbi Pozitivitetin!

Nga Richard Branson

E dimë që ka njerëz në botë që zgjedhin ta shohin gotën gjysëm bosh në vend ta shikojnë atë gjysëm plot. Duke qenë një optimist i përjetshëm, besoj se Ne (optimistët) mund ta fitojmë “betejën” për ti bindur Ata (që e shohin gotën gjysëm bosh) të zgjedhin të bëjnë të njëjtën gjë për të qenë pozitiv.

Personalisht e konsideroj çdo gotë gjysëm plot si një oportunitet për ta mbushur atë, për të filluar një bisedë të re dhe mbase për të gjeneruar një ide të madhe.

Të qenit pozitiv ndihmon në çdo aspekt të jetës, por është e lehtë ta harrosh impaktin e fuqishëm që mbart kjo mënyrë sjellje dhe veprimi. Ndaj nëse po përpiqeni të kundroni anën e shndritshme të jetës, hidhini një sy disa nga thënieve të mia të preferuara nga mendjet më të ndritura për rendësinë e të qenit pozitiv.

10. Besoj se gjithçka është e mundur të arrihet, nëse keni mendësinë e duhur dhe dëshirën për ta arritur diçka si edhe nëse vendos të shpenzosh kohën tënde me të. – Roger Clemens

9. Për të mbajtur një qëndrim pozitiv duhet të zhvillojmë një vizion pozitiv. – Dalai Lama

8. Shumë pak gjëra në botë janë më të fuqishme se një shtytje pozitivë. Një buzëqeshje. Nje fjalë optimizmi dhe shprese. Një “Ti mund t’ja dalësh” kur gjërat bëhen të vështira. – Richard M. DeVos

7. Kur i zëvendëson mendimet negative me ato pozitive, atëherë do të fillosh të arrish edhe rezultate pozitive. – Willie Nelson

6. Puno shumë, qëndro pozitiv dhe zgjohu herët. Ështe pjesa më e mirë e ditës. – George Allen, Sr

5. Qëndrimet tuaja janë si një kuti me pastela që ngjyrosin botën tuaj. Nëse ngjyros gjithe kohën me gri, atëherë pikturat tuaja do të jenë gjithmonë të zymta. Provoni ti shtoni ngjyra të ndezura pikturës duke përfshirë humorin, dhe piktura juaj do të ndriçohet. – Allen Klein

4. Ju përbëni shumën totale të gjithçkaje keni parë, dëgjuar, ngrënë, ju kanë treguar dhe harruar – Është gjithçka aty. Gjithçka na ndikon dhe për këtë arsye unë përpiqem të sigurohem që përvojat e mia të jenë pozitive. – Maya Angelou

3. Besoni që jeta ja vlen të jetohet dhe besimi juaj do të ndihmojë ta krijojë këtë realisht. – William James

2. Diçka pozitive është gjithmonë më mirë se asgjë negative. – Elbert Hubbard

1. Ndjenjat pozitive vijnë nga të qenit i ndershëm me veten dhe duke pranuar personalitetin tuaj bashkë me karakteristikat fizike; si edhe nga të pasurit e një familje e cila ju pranon plotësisht pa paragjykim. – Willard Scot.

Artikulli “10 thëniet e mia të preferuara mbi Pozitivitetin!” u publikua së pari në numrin 6 të Business Magazine Albania, të cilin mund ta shkarkoni KETU!