Statujat përfaqësojnë shumë gjëra – nga festimi i figurave të famshme dhe ngjarjeve historike, deri te përkushtimi ndaj figurave fetare. Disa nga më të njohurat përfshijnë “Statujën e Lirisë” në New York (43 m) dhe “Christ the Redeemer” në Rio de Janeiro. Por këto janë të vogla krahasuar me disa prej monumenteve më të mëdha në botë. Po cilat janë më të lartat dhe ku mund t’i gjeni? Më poshtë është lista me 10 statujat më të larta në botë sipas lartësisë.
10. Dai Kannon i Parkut Kita no Miyako – Ashibetsu, Japoni (88 m)
Kjo statujë është kushtuar perëndeshës Guanyin, një figurë e rëndësishme në Budizëm, e lidhur me mëshirën dhe dhembshurinë. Në Budizmin kinez Guanyin përfaqësohet si mashkull, por në kulturën japoneze ajo paraqitet si femër. E përfunduar në vitin 1989, kjo ishte statuja më e lartë në botë deri në vitin 1991. Ajo është një nga shumë statuja të financuara nga bamirës japonezë gjatë lulëzimit ekonomik të viteve ’80, por disa prej tyre tashmë janë degraduar ose shkatërruar.
9. Sendai Dai Kannon – Sendai, Japoni (92 m)
Një tjetër statujë e ngjashme është ndërtuar në Sendai në vitin 1991. Edhe ajo paraqet Dai Kannon dhe mbante për një kohë të shkurtër rekordin si statuja më e lartë në botë. Në këtë paraqitje, Guanyin mban në duar Gurin Cintamani – një xhevahir që plotëson dëshirat, i njohur në Budizëm dhe Hinduizëm.
8. Great Buddha of Thailand – Ang Thong, Tajlandë (92 m)
Kjo statujë, e njohur edhe si ‘Buda i Madh’ ose ‘Mahaminh Sakayamunee Visejchaicharn’, ndodhet në manastirin Wat Muang në provincën Ang Thong. E përfunduar në vitin 2008, kjo strukturë e madhe prej betoni dhe e lyer me ngjyrë ari ka një gjerësi prej 63 metrash. Projekti u financua nga donacione të besimtarëve vendas, të cilët mblodhën rreth 2.2 milionë paund për ta ndërtuar.
7. Mother of All Asia – Pagkilatan, Filipine (98.15 m)
Kjo është statuja më e madhe në botë e Virgjëreshës Mari, simbol i paqes dhe unitetit. Ajo ndodhet në kompleksin Montemaria International Pilgrimage & Conference Center, në Batangas City. E përfunduar në vitin 2021, kjo statujë përfshin gjithashtu teatro, dyqane dhe hapësira banimi.
6. Guishan Guanyin – Hunan, Kinë (99 m)
Kjo statujë impozante ndodhet në tempullin Miyin në Weishan, Kinë. Guishan Guanyin paraqet një Bodhisattva të quajtur ‘Guanyin me një mijë duar dhe sy’. E përfunduar në vitin 2009, ndërtimi kushtoi rreth 28 milionë paund dhe është një nga monumentet më të mëdha prej bronzi në botë.
Lexo edhe:Shkencëtarët zbulojnë Oqeanin e gjashtë të fshehur në mantelin e Tokës
5. Ushiku Daibutsu – Ushiku, Japoni (100 m)
E përfunduar në vitin 1993, Ushiku Daibutsu është një statujë e Budës që përfshin një ashensor për turistët, i cili i çon ata në një platformë panoramike në lartësinë 85 metra. Ajo është ndërtuar për të përkujtuar lindjen e Shinran-it, një murg i shquar që themeloi degën ‘Shin’ të Budizmit japonez.
4. Vishwas Swaroopam – Nathdwara, Indi (106 m)
E njohur edhe si Statuja e Besimit, kjo statujë e përshkruan Zotin Shiva në meditim. E përfunduar në vitin 2020 dhe hapur për publikun në 2022, ajo është më e larta e Shivës në botë. Brenda saj ka salla ekspozitash dhe një ashensor që transporton vizitorët në zonat e shikimit.
3. Laykyun Sekkya – Khatakan Taung, Mianmar (116 m)
Kjo statujë përshkruan Budën Gautama në dy gjendje të ndryshme, duke treguar ‘Parinirvanën’ – momentin kur dikush arrin ndriçimin shpirtëror. E përfunduar në vitin 2008, ajo ishte më e larta në botë për pak kohë, deri në ndërtimin e statujës së dytë në listën tonë.
2.Spring Temple Buddha– Henan, Kinë (128 m)
Kjo statujë paraqet Budën Kozmik (Vairocana) që qëndron mbi një fron në formë lotus. E ndodhur pranë një burimi termal të njohur për vetitë shëruese, statuja u përfundua në vitin 2008 dhe mbajti rekordin si më e larta në botë për 10 vjet.
1. Statuja e Unitetit – Gujarat, Indi (182 m)
Me një lartësi prej 182 metrash, Statuja e Unitetit është më e larta në botë. Ajo përfaqëson Sardar Vallabhbhai Patel, liderin e pavarësisë së Indisë dhe zëvendëskryeministrin e parë të vendit. Kjo statujë monumentale ndodhet pranë digës Narmada dhe është pjesë e një kompleksi të madh turistik. Materialet për ndërtim u siguruan nga donacione të fermerëve vendas që ofruan mjetet e tyre për të mbledhur hekurin e nevojshëm.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
