Cilat janë karrierat e së ardhmes?

10 karrierat teknologjike të së ardhmes


Më poshtë po ju prezantojmë me disa mundësi për karrierën e së ardhmes suaj dhe punët tipike që i përfaqësojnë ato:

Karrierë për një botë të udhëhequr nga teknologjia

Pilot i çertifikuar UAV-je (Unmanned Automatic Vehicles): ose dronët, të cilëve u referohemi në zhargonin e përditshëm, prezantojnë një potencial shumë të madh të së ardhmes për shumë industri dhe karriera duke filluar nga ato në milici deri tek industria e paketimit të mallrave të konsumit. Nuk ka rëndësi së për çfarë zhvillohen dronët: për qëllime kërkimore, për misione të fshehta, për fotografime artistike e shumë arsye të tjera, ata nuk mund të fluturojnë dot pa ju! Ata që do t’i pilotojnë mund të kenë një “bollëk” karrierash nga të cilat mund të zgjedhin gjatë viteve të ardhshme.

Dizenjuesë të cohave të printuara në 3D. As bota e modës nuk është imune nga ndikimi i teknologjisë. Vitet e fundit, dizenjot e printuara në 3D janë shfaqur që nga pasarelat e Milanos e deri tek ato të New Yorku-t . Bizhuteritë 3D, aksesorët dhe kostumet e plazhit po bëjnë “boom” në industri. 3D përfaqëson mundësi të prodhimit që janë të arritshme dhe të përballueshme nga ana financiare. Ndërsa teknologjia avancon dhe bëhet më e aksesueshme, pritet që të vazhdojë revolucionarizimi i procesit të prodhimit.

Arkitektët e realitetit. VR (Virtual Reality-Realiteti Virtual) është bërë një term shumë i dëgjuar në rangun e industrive filmografike dhe të videolojërave duke prekur edhe sektorin e kujdesit shëndetsor. Teknologjia prezanton më shumë shanse për dizenjuesit që kërkojnë të krijojnë eksperienca immersive ( tre dimensonale). Madje, realiteti virtual po shikohet edhe si një formë e re terapie.

Auditor (Dëgjues) i kuantifikuar i vetë-vlerësimit: Trajnerë personalë! Kjo do të thotë të ndjekim çdo gjë që na ndodh në jetën e përditshme, që nga kaloritë mesatare ditore që konsumojmë, te rrahjet për minutë të zemrës e deri te nivelet e tendosjes gjatë një ushtrimi fizik. Por thjesht njohja e ca numrave nuk e përmirëson shumë stilin tonë të jetesës, ajo që kërkohet është që me këto shifra të ofrohen plane të posaçme të ushqyerjes ose të fitnessit. Kjo lloj karriere bashkon profesionin e nutricionistit ose terapistit fizik me atë të analistit të të dhënave dhe mund të jetë zgjedhja perfekte për t’i “shkrirë” dy profesionet në një të vetëm.

 

Karriera të fokusuara në qëndrueshmëri

Me një numër në rritje të kompanive, të cilat kërkojnë të reduktojnë emisionet e tyre të karbonit në atmosferë, po rritet  numri i kërkesave për karriera “ambjentaliste”. Ja disa nga karrierat që mund të jenë të përshtatshme për individët që janë në kërkim të një bote më të qëndrueshme.

Planifikuesë urbanë “inteligjentë” të qyteteve. Palnifikuesit urbanë nuk duhet të konsiderojnë vetëm kaosin e trafikut stresues. Ajo që duhet të bëjnë ata është të ‘krijojnë’ atë lloj trafiku që nuk do të na i bllokojë më rrugët dhe ‘qiejtë’ tanë për 20 -30 vitet e ardhshme. Për më tepër, këta panifikues të orientuar nga e ardhmja duhet të mendojnë për mënyra se si teknologjia mund të inkorporohet nëpër ndërtesa, rrugë, ambjente parkimi dhe “t’i rrijë asaj në trup” sa më mirë.

Menaxher/e “inteligjent/e” i një laboratori për testimet e karburantëve. Duhet të dini se teknologjitë ‘inteligjente’ nuk janë të limituara vetëm te kuzhinat tona apo telefonat tona. Sot, ato mund të implementohen në industrinë tradicionale të energjisë, si testimet e karburantëve.

Arkitekti/ja “inteligjent/e” i rrjeteve të furnizimit me energji elektrike. Përdor teknologjinë e telekomunikacionit për të gjetur dhe reaguar ndaj ndryshimeve lokale që janë momentalisht në përdorim. Kombinimi i resurseve efiçiente të energjisë me mjete ndihmëse tradicionale ndihmon drejt një të ardhmeje me qytete më të pastra dhe më të gjelbërta. Ky profesion që del nga e zakonshmja, është një opsion që mund të sjellë shumë përfitime për inxhinierët dhe arkitektët teknikë.

Profesione me të dhëna dhe profesione biznesi/financiare

Arkitekt/e i të dhënave: të jesh i/e aftë të “qërosh” nga elementët e tepërt dhe të panevojshëm një sasi të madhe të dhënash për t’i dhënë biznesit atë që i nevojitet realisht mund të jetë një avantazh i çmueshëm për ata që kërkojnë punë në këtë sektor.

Specialist/e valute alternativ/e. Bankierët dhe analistët financiarë e së ardhmes duhet ta vrasin mendjen më shumë se sa vetëm për vlerën e poundit, euros apo dollarit; monedha alternative si ‘Bitcoin’, shfaqin potencial për të ‘përçarë’  institucionet tipike financiare.

Menaxher/e i/e një biznesi e-commerce: Bizneset tipike prej “tullash dhe muresh” po rrisin gjithmonë e më shumë prezencën e tyre te komunitetet online dhe shumë startupe të shitblerjes me pakicë po i kapërcejnë barrierat fizike duke kërkuar homologë dixhitalë. Menaxherët e biznesit që dinë të përdorin mirë SEO (Motorrin e Optimizuar të Kërkimit) dhe taktikat e marketingut online po qëndrojnë në “top” të karrierave të fushës së e-commerce (tregtia elektronike).

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0