Rreth 500 fëmijë emigrantë të ndarë nga prindërit e tyre në kufirin amerikan janë ribashkuar me familjet e tyre. Presidenti Donald Trump nënshkroi një urdhër ekzekutiv të Mërkurën për të mbajtur familjet së bashku gjatë ndalimit.
Ligjvënësit Republikanë kanë vonuar votimin për emigracionin. Votimi për të ashtuquajturin projekt-ligj kompromisi të Republikanëve ishte vonuar më parë për t’u dhënë anëtarëve kohë shtesë për ta rishikuar atë.
Delegacione nga Koreja e Veriut dhe ajo e Jugut u takuan për të diskutuar ribashkimin e familjeve të ndara para tre viteve nga lufta e Koresë. Ky veprim është pjesë e premtimeve të bëra nga udhëheqësi i Koresë së Veriut Kim Jong Un dhe Presidenti i Koresë së Jugut, Moon Jae-in, për të përmirësuar marrëdhëniet.
Udhëheqësit irlandezë dhe të BE paralajmëruan Kryeministren e Mbretërisë së Bashkuar Theresa May se koha po mbaron për të zgjidhur çështjen e kufirit irlandez. May ka premtuar të ruajë paqësisht kufirin, edhe pse bisedimet e Brexit janë aktualisht në një rrugë pa krye.
Qeveria e SHBA po përdor tokë privatë për t’i hapur hapësirë mureve kufitare në Luginën e Rio Grande në Teksasin jugor.
CEO i Intel dha dorëheqjen pas një hetimi se kishte një marrëdhënie në të shkuarën me një punonjëse, gjë që binte në kundërshtim me rregulloren e kompanisë. Kompania tha se CFO, Bob Swan do të marrë përsipër detyrën si CEO i përkohshëm.
Gruaja e kryeministrit izraelit u akuzua për mashtrim. Sara Netanyahu është akuzuar për përdorimin e fondeve shtetërore duke porositur mbi 100,000 dollarë ushqim për shtëpinë e saj dhe përballet me akuzën e deri pesë viteve burg.
Tesla po bën shkurtime të mëdha në sektorin e paneleve. Kompania njoftoi javën e kaluar se është duke shkurtuar 9% të fuqisë punëtore të saj, e cila do të reduktojë ndjeshëm biznesin e saj.
Arabia Saudite po planifikon të kthejë rivalin e saj Katarin në një ishull. Vendi duket se po ecën përpara me planet në gërmimin e kanalit përgjatë kufirit të saj me Katarin.
Dhe në fund …
Melania Trump fluturoi në Teksas për të vizituar fëmijët emigrantë e veshur me një xhaketë që thotë “Mua në të vërtetë nuk më intereson, po juve?”
burimi: BusinessInsider
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
