Në 24 Hours Le Mans të vitit 1966, 3 Ford GT40 arritën të kalonin vijën e finishit.
RM Sotheby, kompania e ankandeve, ka qënë shumë e zënë së fundmi. Këtë vit ajo ka realizuar shitjen e një Porsche 908 K të rrallë dhe disa Ferrari. Së fundmi, edhe një Ford GT40. Por, jo me pak histori. Është pikërisht 1 nga 3 të tillë që fituan 24 Hours of Le Mans në vitin 1966. Kjo çoi edhe në fitoren e parë të Ford të eventit në fjalë.
Sipas RM Sotheby, ky Ford GT40 Mk II me shasi P/1016, është nga ato që mundën Ferrari-n në atë vit. Kjo makinë, ishte makina numër 7 që garonte për skuadrën Holman & Moody, me pilotë Ronnie Bucknum dhe Dick Hutcherson. Ajo ishte e 3-ta nga 3 makinat e Ford, të kapuar edhe në foton e famshme të vitit 1966.
Kjo fitore, erdhi duke patur parasysh përqasjen ndaj qëndrimit “bigger is better” që Ford kishte në atë kohë. Ato kishin një motor masiv 7.0 liter V8 duke lënë pas Ferrari-t me 3.3 litër V12 dhe Porsche-t me 1.9-liter flat 6. RM Sotheby thotë gjithashtu se kjo makinë ishte e vetmja GT40 që konkuronte me kambio automatike.
“Shitja eGT40 prezanton një mundësi reale për të gjithë të apasionuarit për të poseduar një copëz të historisë. Të vëmë në rradhë një makinë të tillë me kaq rol në histori, është e rëndësishme për ne pikërisht përpara ankandit në Monterey. Ky Ford është restauruar në nivelin që ka garuar 52 vite më parë. Diçka e konsiderueshme kjo për këdo blerës. Pak makina mund të konsiderohen të një niveli kaq të lartë. Kjo makinë do të mbahet mend si Ford-i që i “uli kokën” Ferrari-t”. – u shpreh Alexander Weaver, komentator dhe specialist pranë RM Sotheby.
P/1016, do të niset për në Pebble Beach ku do të marrë pjesë në ankand. Çmimi i shitjes pritet të jetë nag $9M në $12M. Gjithçka do të mësohet në 24-25 Gusht, kur të organizohet eventi.
Burimi: The Drive
