1 miliard euro të mbledhura për Notre Dame brenda dy ditëve


Fondi për të rindërtuar Katedralen Notre Dame ka arritur shifrën e një miliardë euro-ve vetëm dy ditë pas zjarrit.

Kompanitë shumëkombëshe të Francës filluan menjëherë të siguronin para për restaurimin e katedrales mesjetare.

L’Oreal premtoi 200 milionë euro, ndërkohë grupi i produkteve të luksit LVMH i drejtuar nga Bernard Arnault, njeriu më i pasur në Francë, ka bërë të njëjtën gjë.

Lexoni: Zjarri i Notre Dame na dha një mësim për të kuptuar botën ku jetojmë

Multi-milioneri Francois-Henri Pinault dhe kompania e vajit Total kanë dhuruar 100 milionë dollarë secili.

Kjo sasi parash, sipas Presidentit Emmanuel Macron, do të ndihmojë në restaurimin e katedrales brenda pesë viteve.

Nëse objektivi arrihet, Katedralja e rinovuar do të zhvillojë Lojërat Olimpike për vitin 2024.

“Ne do të ndërtojmë Notre Dame edhe më mirë dhe dua që ajo të jetë e përfunduar brenda 5 viteve. Ne mund ta bëjmë,” tha z.Macron gjatë një deklarate.

“Është në dorën tonë të ndryshojmë këtë shkatërrim në një mundësi për t’u bërë bashkë, pasi kemi reflektuar në atë që kemi qenë dhe atë që duhet të jemi dhe të bëhemi më të mirë seç jemi.

“Është në dorën tonë të gjejmë fijen lidhëse për projektin tonë kombëtar”.

Gjeli ikonë që qëndronte në majë të Katedrales Notre Dame përpara se të shkatërrohej nga zjarri u gjet në rrënoja.

Është përshkruar si një mrekulli absolute dhe Ministria Franceze e Kulturës konfirmoi se “gjeli shpëtoi”.

“Është deformuar por mund të rregullohet,” tha një përfaqësues i kishës.

“Frika jonë ishte se ndoshta ishte djegur dhe kishte shkrirë në flakë”.

Sipas udhëzimeve të katedrales, gjeli ka vepruar si ‘një shkop shpirtëror ndriçues’ për të mbrojtur besimtarët e Notre Dame.

/Mirror

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale