Zjarri i Notre Dame na dha një mësim për të kuptuar botën ku jetojmë

Zjarri i Notre Dame na dha një mësim për të kuptuar botën ku jetojmë


Shumë njerëz kanë një lidhje të veçantë me Parisin. Është vendi më i vizituar në botë. Shumë prej tyre kanë kujtime nga vizita në Notre Dame, kujtime që u pluhurosën nga tymi i atij zjarri të trishtë.

Dy nga familjet më të pasura në botë, të drejtuara nga François-Henri Pinault dhe Bernard Arnault, nuk lanë që tragjedia të zgjaste më shumë se një ditë. Ata dhuruan 300 milionë euro për restaurimin e ndërtesës. Qyteti i Parisit gjithashtu u mobilizua duke mbledhur 10 milionë euro.

Gjithashtu është diskutuar dhe roli financiar që Kisha Katolike mund të ketë në restaurim. Askush jashtë Vatikanit nuk e di se sa para ka kisha, por në vitin 2012 The Economist llogariti se buxheti operues i Vatikanit vetëm në SHBA arrinte në 170 miliardë dollarë.

Papa Françesku ka konfirmuar se ai po lutet për të gjithë të prekurit nga flakët e Notre Dame. E thënë ndryshe, ai po bashkon duart e tij, nuk po i fut ato në xhep.

Lexoni: Dhurohen qindra milionë euro për restaurimin e katedrales Notre Dame

Shpejtësia dhe magnituda e përgjigjes së tyre na tregon diçka shumë të rëndësishme për shoqërinë në të cilën jetojmë.

Nëse vetëm dy burra që zotërojnë një pasuri prej më shumë se 7 miliardë dollarë mund të dhurojnë 300 milionë euro për të restauruar Notre Dame, brenda gjashtë orëve, atëherë ka mjaftueshëm para në botë për të ushqyer çdo gojë, për të strehuar çdo familje dhe për të edukuar çdo fëmijë. Por kjo nuk ka ndodhur akoma sepse mungon dëshira dhe është çështje sistemi.

Dështimi për ta bërë këtë vjen nga paaftësia jonë për të njohur emergjencat e mëdha që kanë jetët e njerëzve çdo ditë. Veprat e artit dhe historia arkitekturore janë krijuar nga njerëz dhe janë njerëzit ata që duhen mbështetur mbi gjithçka.

Tullat, betoni dhe xhamat mund të digjen, por ato nuk derdhin gjak, nuk vdesin urie, nuk vuajnë. Njerëzit vuajnë. Kudo në botë, nga Parisi në Persepolis, njerëzit po vuajnë. Ata vuajnë çdo ditë, por kjo nuk mbush faqet e para të gazetave e as nuk i frymëzon njerëzit më të pasur në botë të bëjnë donacione të menjëhershme.

Aktualisht, Franca numëron 140,000 njerëz të pastrehë – 30,000 prej të cilëve janë fëmijë. Një raport i vitit 2018 nga Secours Catholique  zbuloi se në total janë rreth 8.8 milionë njerëz që  jetojnë në varfëri në Francë. Një në çdo tetë francezë jetojnë në varfëri. Pavarësisht kësaj, Franca mbetet vendi i gjashtë më i pasur në botë, sipas Fondit Monetar Ndërkombëtar.

Herën tjetër kur ndoshta do t’ju duhet të zgjidhni mes strehimit dhe imigrimit, rrogave të infermierëve apo uljes së një takse, spitalit të fëmijëve apo një autostrade, kujtoni këtë moment. Paratë gjenden me një kërcitje gishtash. Thjesht nuk është në dorën tonë.

/Joe.ie

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0