“Zootopia 2” është shndërruar në një fenomen global të animacionit, duke fituar 1.7 miliardë dollarë në shitjet e biletave dhe duke tejkaluar rekordin e mëparshëm të “Inside Out 2” me 1.69 miliardë dollarë. Ky sukses e vendos tani si filmin e animuar me fitimet më të larta në historinë e Hollywood-it.
Filmi i ri është gjithashtu në vendin e nëntë në listën e përgjithshme të filmave me fitimet më të larta, pas superproduksioneve si “Avatar”, “Titanic”, “Avengers: Endgame” dhe “Star Wars: The Force Awakens”. Megjithatë, rekordi i “Ne Zha 2” në Kinë, me 2.25 miliardë dollarë, mbetet ende më lart në nivel botëror për animacionin.
Alan Bergman, bashkëkryetar i Disney Entertainment, e përshkroi këtë moment si historik: “Ky sukses i jashtëzakonshëm u përket mbi të gjitha fansave në mbarë botën, entuziazmi i të cilëve e bëri të mundur. Jemi jashtëzakonisht krenarë për krijuesit tanë të filmave dhe mirënjohës ndaj të gjithë atyre që e realizuan këtë arritje.”
“Zootopia 2” tregon se kombinimi i histori kreative, personazheve të dashur dhe animacionit të shkëlqyer mund të shndërrohet në sukses të vërtetë global, duke lënë gjurmë të thella në industrinë e filmave.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
