Shefi i Zoom-it, Eric Yuan, biznesi i të cilit ka shpërthyer gjatë pandemisë së koronavirusit, tha se puna nga shtëpia do të mbetet. Kompania e video-konferencave tha se pret që shitjet e saj të rriten më shumë se 40% këtë vit, duke arritur më shumë se 3.7 miliardë dollarë.
Parashikimi bëri që aksionet në kompani të rriten mbi 6%, në tregtinë në Nju Jork. Zoom tha se nuk pret që rritja të vazhdojë me ritmin e vitit të kaluar, por, deri më tani, “biznesi mbetet i fortë”.
Shitjet e firmës në tre muajt e fundit të vitit 2020 janë rritur për 370% krahasuar me të njëjtën periudhë të vitit 2019, duke arritur në 882.5 milionë dollarë. “Tremujori i katërt ka shënuar një përfundim të fuqishëm të një viti të pashembullt për Zoom-in. Derisa bota del nga pandemia, puna jonë vetëm sa ka filluar”, tha shefi i kompanisë, Eric Yuan.
Lexo: Lodhja nga Zoom është e vërtetë. Këto janë 4 mënyra praktike për ta përballuar
Pandemia ka bërë që shumë biznese në botë ta bartin punën nga zyra në shtëpi dhe Zoom është bërë një nga platformat e domosdoshme praktikisht brenda natës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English