Sot në Tiranë, në orën 11:30 tek Pallati i Kongreseve do të zhvillohet mbledhja e qeverive të Shqipërisë dhe Kosovës. Takimit do të hapet me fjalën e dy krerëve të kabineteve, Edi Rama dhe Avdullah Hoti.
Pas tyre një fjalë të shkurtër do të mbajnë edhe anëtarë të ndryshëm të dy kabineteve, të cilët do të flasin lidhur me çështjet që dy qeveritë do të fokusohen dhe për marrëveshjet që do të nënshkruajnë dy palët. Më pas rreth orës 12:45 pritet të zhvillohet ceremonia e nënshkrimit të marrëveshjeve ndërqeveritare, e vetëm 45 minuta më pas Rama e Hoti do të mbajnë një konferencë të përbashkët për shtyp.
Mbledhja, e cila do të zhvillohet për herë të parë me kryeministër, Avdullah Hotin do të mbyllet rreth orës 13:30 me një foto të përbashkët.
AXHENDA E PLOTË:
11.00– Mbërritja e delegacionit të Republikës së Kosovës përpara Pallatit të Kongreseve
11.15 – Mbërritja e Sh.T. Avdullah Hoti, Kryeministër i Republikës së Kosovës në Bulevardin Dëshmorët e Kombit
11.30– Çelja e sesionit plenar të mbledhjes së dy Qeverive Shqipëri-Kosovë)
Fjalë e Z. Edi Rama, Kryeministër i Shqipërisë
Fjalë e Sh.T. Avdullah Hoti, Kryeministër i Republikës së Kosovës
Fjalë të shkurtra nga anëtarë të dy kabineteve për të parashtruar çështjet kryesore dhe marrëveshjet për nënshkrim
Edi Rama, Kryeministër i Shqipërisë përmbyll sesionin plenar
12.45 – Ceremonia e nënshkrimit të marrëveshjeve ndërqeveritare
13.00– Konferencë e përbashkët për shtyp e dy Kryeministrave
13.30 – Foto e përbashkët
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
