Zara fokusohet tek shitjet online, mbyll 1200 dyqane në të gjithë botën

Zara

Kompania Inditex, pronare e markës së rrobave Zara, do të mbyllë 1200 dyqane në të gjithë botën duke qenë se gjatë pandemisë shitjet online janë rritur shumë.

Kompania spanjolle ka edhe marka të tjera në pronësi si Bershka, Pull & Bear dhe Massimo Dutti.

Mbylljet do të jenë kryesisht në Azi dhe në Evropë. Ndërsa 107 dyqanet e ndodhura në Britani kanë më pak gjasa të preken. Kompania tha se nuk do ketë shkurtim të punonjësve, sepse do t’i duhet stafi për porositë dhe dërgesat online.

Inditex, një nga kompanitë më të mëdha në botë për veshje, u godit rëndë nga pandemia. Shitjat e saj ranë me 44 për qind nga 1 shkurti deri më 30 prill. Kompania raportoi humbje prej 400 milionë euro gjatë katër mujorit të parë. Gati një e katërta e dyqaneve u mbyllën deri më 8 qershor.

Lexoni: Ja se si t’i ndihmoni punonjësit tuaj, që janë prindër dhe punojnë nga shtëpia

Por, sidoqoftë shitjet online u rritën me 50 përqind në krahasim me të njëjtën periudhë të 2019-ës, dhe 95 për qind në krahasim me prillin e 2019.

Inditex tha se do të përshpejtojë shitjet online pasi kërkon të shmangë sfidën e konkurrentëve si H&M dhe pronarit të Uniqlo, Fast Retailing,dhe rivalëve të rinj online, përfshirë Asos dhe Boohoo në Mbretërinë e Bashkuar, të cilat përparuan gjatë izolimit.

Sipas planit të ri të Inditex, shitjet online do të përbëjnë më shumë se 25% të totalit deri në vitin 2022, krahasuar me 14% në vitin 2019. Dyqanet më të mëdha do të veprojnë si qendra shpërndarëse për shitjet online.

The Guardian

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale