Ja se si t’i ndihmoni punonjësit tuaj, që janë prindër dhe punojnë nga shtëpia

ndihmoni punonjësit

Gjatë kësaj periudhe, miliona prindër po përballen me një problem. Ata janë duke punuar nga shtëpia nën masat e distancimit social, por edhe fëmijët e tyre, të cilët normalisht do të ishin në shkollë, janë gjithashtu në shtëpi. Puna në kompjuter, duke pasur fëmijët e mërzitur pranë, bëhet thuajse e pamundur.

 Çfarë mund të bëni për t’i ndihmuar punonjësit në këtë situatë?

Në një event online të kohëve të fundit në GeekWire, tre themelues dhe CEO në fushën e teknologjisë në Seattle, ndanë këshillat e tyre më të mira për mbështetjen ndaj punonjësve, që punojnë nga shtëpia dhe kujdesen për fëmijët e tyre në të njëjtën kohë. Më poshtë mund të lexoni këshillat e tyre.

Ristrukturoni takimet tuaja

Elena Donio, CEO e ofruesit të shërbimeve ligjore Axiom dhe partnere  në firmën VC Operator Collective, thotë se pandemia aktuale ka bërë që punëdhënësit të zhvillojnë biseda me punonjësit, për jetën familjare të tyre, të cilat duhet t’i kishin diskutuar prej kohësh.

“Ne jemi duke bërë ndryshime reale në stilin tonë të punës dhe dinamikën e punës,” shpjegon ajo. “Unë po pyes ekipet dhe menaxherët: “A keni nevojë të ndryshoni orarin tuaj dhe të zhvendosni takimet e ekipeve shumë herët ose shumë vonë gjatë ditës, për t’i dhënë stafit më shumë kohë, për t’u marrë me kujdesin e fëmijëve ose shkollimin e tyre në shtëpi?”

Lexoni: 10 rregulla suksesi nga bankieri i Wall Street

“Përveç ndryshimeve të orarit, fëmijët e punonjësve gjithashtu duhet të jenë të mirëpritur nëpër takime”, thotë Samir Bodas, bashkëthemelues dhe CEO i Icertis, një platformë e menaxhimit të kontratave me bazë cloud. “Ne kemi shumë fëmijë, që marrin pjesë në mbledhje dhe dëgjojnë diskutimet tona. Ne kemi pasur një takim ku një punonjës kishte vajzën e tij 3-vjeçare në prehër dhe në gjysmën e takimit, atë e zuri gjumi. Ishte një moment shumë prekës”.

Dyfishoni kujdesin ndaj punonjësve, që janë prindër

“Nuk ka shkollë, nuk ka kampe ​​dhe ti nuk dëshiron që gjyshja dhe gjyshi të kujdesen për fëmijët për arsye të dukshme,” thotë Rich Barton, bashkëthemelues dhe CEO i Zillow, i cili ishte gjithashtu bashkë-themelues i Glassdoor dhe themelues të Expedia. “Ky është një problem i tmerrshëm.”

Duke pasur parasysh këto rrethana, Barton thotë se Zillow po bën gjithçka mundet për të ndihmuar punonjësit, që punojnë në shtëpi me fëmijë. “Ne po ofrojmë kujdes rezervë për fëmijët”, thotë ai.

“Kompania është duke u treguar shumë fleksibël në lidhje me orarin e punës, angazhimet, madje edhe me humbjen e produktivitetit. “Kjo nuk do të zgjasë përgjithmonë, padyshim,” thotë ai. “Por në këtë kohë të çuditshme, kur ka ende shumë pikëpyetje … ne kemi investuar shumë në këta punonjës, që janë prindër. Ky nuk është momenti i duhur për të hequr dorë prej tyre – është koha për të vazhduar investimin tonë”.

Pyesni punonjësit se si mund t’i ndihmoni

“Supozimet që kemi bërë në lidhje me gjërat, që ishin të vlefshme dhe të nevojshme, ndoshta nuk do të vlejnë më,” thotë Bodas. “Ne po mbledhim shumë ide duke pyetur: “Na trego çfarë të nevojitet”. ” Kjo është veçanërisht e rëndësishme për kompanitë, që kanë stafe ndërkombëtare, shpjegon ai. “Nuk ka aspak sens që unë të ulem këtu në Amerikë dhe të kuptoj se çfarë i duhet një punonjësi në Gjermani ose Indi.

Lexoni: Hapat që mund të ndërmerrni për t’u përgatitur për tregun e punës pas koronavirusit

Kështu që ne jemi duke bashkëpunuar dhe do të ristrukturojmë aktivitetin tonë rreth kujdesit të fëmijëve dhe punës nga shtëpia, në mënyrë që të përshtatemi më shumë me këtë mënyrë të re të punës dhe me këtë botë të re”.

INC

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale