Zana AI është fituese u kompeticionit të startup Chatbot & Voice Summit Berlin. Në edicionin e gjashtë të tij, ky event njihet si konferenca më e madhe në fushën e bashkebisedimit me kompjuterat, bashkimin e liderave të industrisë dhe komunitetit global të chatbot dhe zërin e ndërtuesve të teknologjisë.
Samiti i zhvilluar këtë muaj në Berlin kishte folës nga Google, SAP, Vodafone e shumë korporata të tjera me aktivitet global.
Julia Hoxha, bashkethemeluese e Zana thotë për Businessmag se, “Komunikimi me kompjuterat është front i ri, por Zana ka një zgjidhje unike. Falenderoj Julia Dungun, e cila jo vetëm është kyç në zhvillimet tona në Natural Language Processing (kuptim i gjuhës së përditshme), por dhe prezantoi në tribunë Zanën dhe rrembeu çmimin e parë”.
Mes një numri të lartë startupesh konkurruese, ajo u shpall fituese e kompeticionit duke siguruar një paketë të artë shtesë prej 10 mijë euro.
Zana Technologies GmbH është një start-up fitues i teknologjisë së lartë, me bazë në Gjermani, që ofron komunikim të avancuar të teknologjisë.
Produkti më i rëndësishëm i Zana është orientuar në kujdesin shëndetësor dixhital dhe mundëson një monitorim gjithëpërfshirës shëndetësor në distancë. Oferta e produktit është një asistent inteligjent i zërit që përdoret për krijimin e një ure të drejtpërdrejtë midis pacientëve dhe mjekëve. ZANA AI kombinon bisedën aktive në gjuhën natyrore me monitorimin në kohë reale përmes pajisjeve të lidhura, të gjitha nga komoditeti i shtëpisë së një pacienti përmes një Smartphone ose pajisje inteligjente në shtëpi. Mbështetja e ZANA-s mbledh dhe paraqet të dhënat e pacientit të monitoruara përmes një sistemi inovues komandash që azhornon mjekët për shëndetin e pacientit të tyre në mënyrë të vazhdueshme dhe të sigurt.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
