WWW feston 25 vjetorin e krijimit


Kjo është periudha e vitit kur bëhet bilanci i sukseseve dhe dështimeve teknologjike  të vitit dhe hidhet një sy nga e ardhmja për të parë çfarë na sjell viti tjetër. Gjithsesi ne duhet të rikujtojmë dhe arritjet e mëparshme që na sollën këtu. Para 25 vjetëve faqja e parë e internetit u hodh në rrjet.

Në 20 dhjetor 1990 shkencëtari  britanik Sir Tim Berners-Lee hodhi në rrjet faqen e parë online nëpërmjet NeXT computer në CERN. Ky akt është një pikë kyçe në historinë e teknologjisë njerëzore.

Internet 1

Ka një ndryshim midis internetit dhe WWW-së. Interneti është një rrjet i madh kompjuterash të lidhur me njëri-tjetrin. World Wide Web ose WWW është një përmbledhje e gjithë faqeve web që janë pjesë e këtij rrjeti kompjuterash.

Në shtator të vitit 2014, një studim i bërë nga NetCraft  nxorri në përfundim se interneti  ka më shumë së 1 miliard faqe web dhe në vitin 2020 analistët parashikojnë se do të ketë 50 miliard pajisje  të lidhura në internet.

Internet 2

Asnjeri nuk e mendonte se si një ide mund të ndryshonte  stilin tonë të të jetuarit. Kjo teknologji po ndryshon mënyrën e të bërit politikë dhe biznes. Vetëm 25 vjet më parë ne nuk dinim çfarë ishtë media sociale, blogjet apo e-mail. Interneti lejon miliarda pajisje dhe njerëz të ndërveprojnë me njëri-tjetrin duke shpërndarë informacion në një formë krejt të ndryshme krahasuar me vitet para 90’.

Mjafton të hidhni një vështrim këto ditë festash se si familja juaj përdor tabletat, telefonët , kompjuterat personalë, apo laptopët për të hyrë në botën e internetit. Imagjinoni sikur Sir Tim Berners mos e kishte bërë këtë shpikje të www-së , si do të ishte jeta jonë.

Internet 3

Për të ndërtuar të ardhmen ne duhet të kuptojmë të shkuarën. A jeni dakort se teknologjia e ka përmirësuar jetën tonë këto 25 vjet?  Ne po mendojmë për momentin për shpikjet e reja të vitit 2016, por a mund të imagjinoni ku mund të na çojë interneti deri në vitin 2040.

Internet 4

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale