Plug and Play Tirana vijon misionin për të forcuar ekosistemin inovativ shqiptar përmes një serie aktivitetesh frymëzuese dhe bashkëbisedimesh që sjellin në qendër themelues, profesionistë të rinj, gra në teknologji dhe shumë aktorë të tjerë industrisë. Pasditja e datës 17 prill u kthye në një nga ato momente ku idetë marrin jetë dhe shembujt e suksesit frymëzojnë brezin e ardhshëm të inovatorëve.
Në ambientet e “Innovation Hub” në katin -1 të Piramidës së Tiranës, u zhvillua eventi “Women in Tech”, një panel i menduar për të vlerësuar dhe fuqizuar rolin e grave në industrinë teknologjike, sidomos në epokën e inteligjencës artificiale.
Lexo gjithashtu: Startupet fituese të Plug and Play Tirana
Pjesë e panelit ishin emra të njohur të fushës:
Anna Lena Drewitz, Drejtuese e Strategjisë Korporative në Lufthansa Group, ndau përvojën e saj mbi mënyrën se si një prej kompanive më të mëdha ajrore në botë ndërton strategjitë teknologjike dhe organizative.
Dr. Kathrin Steinbrink, Drejtuese e AI XPRESS, solli një perspektivë të thelluar mbi sfidat dhe mundësitë që ofron inteligjenca artificiale, veçanërisht në drejtimin nga gratë.
Ledi Imeraj, Drejtoreshë e Përgjithshme e Agjencisë për Inovacion dhe Ekselencë, theksoi rëndësinë që institucionet publike të mbështesin gratë që synojnë një karrierë në teknologji dhe inovacion.
Moderimin e bisedës e mbajti Hannah Boomgaarden nga Plug and Play, e cila i dha panelit një ritëm të këndshëm e të afërt për publikun e larmishëm që mori pjesë.
Diskutimet u fokusuan në mënyrat se si mund të rritet përfaqësimi i grave në sektorin e teknologjisë, rëndësinë e mentorimit dhe mbështetjes ndërmjet femrave në karrierë, si dhe në përballjen me paragjykimet gjinore në mjediset profesionale.
Lexo gjithashtu: “Vaksina psikologjike” kundër lajmeve të rreme/ Si mund të mbrohemi nga dezinformimi online?
“Women in Tech” nuk ishte thjesht një diskutim, ishte një dëshmi se si fuqizimi i grave në teknologji nuk është më një opsion, por një domosdoshmëri për të ardhmen e inovacionit.
Organizuar me mbështetjen e Albanian-American Development Foundation, Idemia Smart Identity, Bashkisë së Tiranës dhe vetë Piramidës së Tiranës, ky aktivitet u kthye në një moment reflektimi, motivimi dhe ndërlidhjeje për të gjithë të pranishmit.
Inovacioni merr jetë kur idetë ndahen. Plug and Play Tirana po sjell më pranë komunitetit shqiptar historitë që frymëzojnë dhe udhëheqin ndryshimin.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
