12 vjet më parë, në 2006-ën, tre shokë: Avishai Abrahami, Nadav Abrahami dhe Giora Kaplan po shijonin rrezet e diellit në plazhin e Tel Avivit.
Teksa ndjenin vështirësi për të ndërtuar faqen e tyre – shumë frustuese dhe tepër e kushtueshme në atë kohë, tre shokët “IT” patën idenë e ndërtimit të një platforme, që do të ndihmonte këdo që dëshironte të ndërtonte faqen e tij, pa pasur nevojë për aftësi kodimi dhe dizajni dhe t’i jepnin formën që ata donin.
Wix lindi në 2006 dhe ndryshoi twrwsisht mënyrën sesi njerëzit mund të krijojnë faqet e tyre. Në prill të 2009-ws, Wix kishte 1 milion përdorues, ndërsa në 2018: 125 milionë përdorues nga 190 vende të ndryshme.
Kompania bëri të ditur se, për çdo 100 mijë përdorues ajo mund të gjenerojë 165 milionë dollarë në harkun e tetë muajve.
Gjithkush mund të ndërtojë një faqe internetit thjesht me platformën Wix, e cila u lejon përdoruesve të krijojnë faqe interneti – në desktop dhe mobile – përmes “veglave” online me metodën “drag dhe drop”.
Përdoruesit e Wix mund të shtojnë funksionalite të tilla si plagine të rrjeteve sociale, e-komerce, marketim online dhe forume komuniteti në faqet e tyre, duke përdorur një gamë të gjerë të aplikacioneve të palëve të treta.
Sot, kompania ka zyra qendrore në Izrael, në Shtetet e Bashkuara, Gjermani, Brazil, Ukrainë dhe Lituani.
Wix ka tashmw një sërë produktesh Wix Stores, Wix Bookings, Wix Hotel, Wix Restaurants, Wix Video, Wix Music, Wix ShoutOut dhe arkëton mbi 290 milionë dollarë, parashikohet të arrijë në 595 milionë dollarë dhe është e listuar në bursën e Nju Jorkut, Nasdaq, teksa tregu i ndërtimit të faqeve të internetit arrin në 300 miliardë dollarë.
Në tremujorin e parë të këtij viti kompania Wix ka gjendje “cash” 266 milionë dollarë. Vlera e kompanisë ka arritur në 4.5 miliardë dollarë, sipas portalit ekonomik izraelit, Globes.co.il.
Marrë nga Izraelisot.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
