Whatsapp, platforma më popullore e rrjeteve sociale në botë mund të jetë nën kërcënimin e një legjistlacioni të ri të propozuar nga zyrtarët evropianë, kanë parlajmëruar disa ekspertë sigurie. Sipas marrëveshjes mbi aktin e Digital Markets, ky legjislacion do të riorganizojë mënyrën se si gjigandët e teknologjisë (ku përfshihen WhatsApp dhe iMessage) konkurojnë me rivalët e tyre.
Legjislacioni po përpunohet nga grupe të ndryshme, dhe disa prej teksteve të përgatitura janë publikuar në internet. Në një pjesë teksti lexohet: “Ndërlidhja midis të gjithë ofruesve të aplikacionece të komunikimit duhet të ofrohet nën të njejtat kushte dhe kualitet që janë përdorur nga krijuesi kryesor apo partnerët e tij, ndërkohë që sigurohet niveli i lartë i sigurisë dhe mbrojtjes së të dhënave personale të përdoruesve.”
Mirëpo ekspertët u shfaqën tepër të shqetësuar nga kjo ide, pasi tregojnë se platformat nuk mund ta bëjnë një gjë të tillë ndërkohë që ruajnë enkriptimin e mesazheve. Për momentin nuk ekziston asnjë teknologji që bën të mundur ndërveprimin e aplikacioneve të ndryshme si WhatsApp dhe iMessages që arrijnë të ruajnë enkriptimin e mesazheve.
Drejtuesi i WhatsApp, Will Cathcart tregoi se mund të krijohen dhe shumë probleme të tjera nëse ky legjislacion miratohet në këtë formë, duke filluar që nga mashtruesit. Natyra e centralizuar e WhatsApp lejon veten që të identifikojë dhe të eleminojë mashtruesit para se ato të godasin smartphone-in tuaj, duke eleminuar me miliona adresa në muaj. Aplikacionet e tjera mund të mos jenë kaq strikte sa WhatsApp në luftën kundër mashtruesve, duke rrezikuar përdoruesit.
Lexo edhe: WhatsApp fillon një fushatë “agresive” reklamimi. Kërkon të “thithë” audiencën në Amerikë
Një tjetër problem është keqinformimi dhe deklaratat e urrejtes. WhatsApp ka vendosur një limit të shpërndarjes së mesazheve virale pasi ato po përdoreshin për të promovuar mashtrimet zgjedhore apo dhunën, ndërkohë që aplikacionet e tjera mund të mos e kenë ndërmarrë një hap të tillë.
Megjithatë problemi kryesor mbetet privatësia, pasi WhatsApp garanton end-to-end encryption për përdoruesit e saj. Ajo nuk do të jetë në gjendje të shikojë se çfarë do të ndodhë me aplikacionet e tjera, duke rritur mundësinë e shfrytëzimit të përdoruesve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
