WhatsApp edhe në KaiOS, sistemin e operimit të përdorur nga Nokia 8110


KaiOS, sistemi operativ i përdorur në telefonat me butona si Nokia 8110, më në fund ka një version zyrtar të WhatsApp. Aplikacioni mund të shkarkohet nga KaiStore për pajisjet KaiOS me 256MB ose 512MB RAM dhe do të vijë i instaluar në këta telefona duke filluar në tremujorin e tretë të këtij viti. Versioni KaiOS i aplikacionit mbështet si thirrjet ashtu edhe mesazhet dhe përfshin enkriptimin end-to-end ashtu siç bën në Android dhe iOS.

WhatsApp është lançuar gradualisht për pajisjet e përzgjedhura KaiOS gjatë vitit të kaluar. Shtatorin e kaluar, aplikacioni erdhi në aparatet JioPhone, të cilat operojnë në sistemin operativ, dhe Android Authority raportoi se në prill ishte në dispozicion për Nokia 8110, por vetëm në Indi. Tashmë ka një shtrirje më të gjerë në mbarë botën. Aplikacioni tani është i disponueshëm për gjithsej shtatë pajisje KaiOS; Cat B35, Doro 7060, JioPhone, JioPhone 2, MTN Smart, Nokia 8110 (HMD Global) dhe Orange Sanza.

Lexoni: Një retrospektivë mbi rrugën e Nokia, legjendën e komunikimit mobile

Në tregjet perëndimore, telefonët si Nokia 8110 janë pozicionuar si lloji i telefonit që mund të blini nëse dëshironi të largoheni nga aplikacionet moderne. Por e njëjta gjë nuk është e vërtetë në vendet në zhvillim ku kostoja e ulët e këtyre telefonave, thjeshtësia dhe jetëgjatësia e baterisë (Nokia 8110 ka 25 ditë gatishmëri, për shembull) janë shumë më thelbësore. Në shumë prej këtyre vendeve, WhatsApp është një shërbim i komunikimit pothuajse thelbësor dhe tani përdoruesit nuk do të stepen nga ajo nëse nuk zotërojnë një smartphone.

KaiOS është një sistem operativ i lehtë që aktualisht është i disponueshëm në një numër të vogël të telefonëve me butona.

/TheVerge

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale