Presidentja e Komisionit Evropian, Ursula von der Leyen, është vlerësuar me Çmimin e Karlit të Madh, një nga nderimet më të larta në Evropë për angazhimin e saj të vazhdueshëm në promovimin e vlerave themelore të kontinentit: demokracinë, paqen dhe unitetin.
Gjatë ceremonisë solemne në Aachen, të martën, von der Leyen shpalosi vizionin e saj për të ardhmen e Evropës, duke theksuar nevojën për një Bashkim Evropian më të fortë në mbrojtje, më të zgjeruar dhe më të qëndrueshëm.
“Një Evropë e pavarur është thelb për lirinë tonë,” u shpreh ajo, duke i drejtuar fjalët audiencës ndërkombëtare. “Popujt e Evropës Qendrore dhe Lindore e dinë prej kohësh se liria personale nuk është e mundur pa pavarësi kolektive.”
Lexo edhe: Fortune: Mira Murati ndër 50 gratë më të fuqishme në botë
Ceremonia mblodhi liderë politikë nga e gjithë Evropa, përfshirë mbretin Felipe VI të Spanjës, kancelarin gjerman Friedrich Merz, kryeministrin britanik Keir Starmer, atë të Maltës Robert Abela dhe kryeministrin e Shqipërisë Edi Rama. Nga të gjithë të pranishmit, vetëm Merz mbajti një fjalim, duke trajtuar sfidat më të mëdha gjeopolitike që përballon kontinenti. “Ne jemi brezi i parë që është rritur në një Evropë të lirë, të paqshme dhe të begatë. Kjo është një trashëgimi që nuk mund ta marrim për të mirëqenë — është përgjegjësia jonë ta mbrojmë.”- tha ai
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
