Makina elektrike Volvo XC40 Recharge është vlerësuar si Top Safety Pick Plus (TSP+) nga American Institute of Highway Safety. Kjo arritje bën që Volvo të jetë kompania e parë dhe e vetme që ofron TSP+ në të gjithë gamën e produkteve.
Volvo XC40 Recharge është SUV i vogël i parë tërësisht elektrik që merr këtë vlerësim, i cili i shtohet rekordit të vendosur muajin e kaluar për numrin më të madh të çmimeve TSP+ të marra gjatë një viti nga një prodhues makinash. IIHS vlerëson me këtë çmim të gjitha makinat që sigurojnë nivelin më të lartë të sigurisë. Që nga muaji shkurt i vitit 2021, Volvo Cars ka marrë 15 çmime TSP+.
Ajo që e bën të veçantë këtë kompani është fokusimi i saj në sistemet e sigurisë, duke përfshirë frenimin emergjent për të evituar përplasjet jo vetëm me makinat e tjera por edhe me çiklistët dhe këmbësorët.
CEO i Volvo Car USA, Anders Gustafsson, tha se “Pavarësisht formës ose motorit të makinës, çdo Volvo ofron mbrojtje inovative në raste përplasjesh.”
Volvo ka rifreskuar rregullisht shërbimet e sigurisë, duke përfshirë këtu limituesin e shpejtësisë dhe sensorët e sigurisë të rinj që debutuan në XC40 Recharge.
Lista e makinave nga Volvo që janë vlerësuar me këtë çmim gjatë këtij viti janë:
- Volvo S90
- Volvo S90 Recharge
- Volvo V90
- Volvo V90 Cross Country
- Volvo V60 Cross Country
- Volvo S60
- Volvo S60 Recharge
- Volvo V60
- Volvo V60 Recharge
- Volvo XC40
- Volvo XC60
- Volvo XC60 Recharge
- Volvo XC90
- Volvo XC90 Recharge
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
