Volkswagen Group rrezikon të përballet me autoritetet ligjore në Indi


Qeveria indiane do të publikojë një notë vërejtje për Volkswagen Group pas diferencave domethënëse që janë gjendur nga testimet e agjensisë “Shoqata Indiane e Kërkimeve për Automjetet” (Automtive Research Association of India) në lidhje me nivelet e emetimeve të makinave, krahasuar me matjet laboratorike të VW-it për tre modelet e makinave me motorrë ‘diesel’ në Indi: Jetta, Audi A4 dhe Vento.

“ARAI ka gjetur variacione domethënëse në nivelet e emetimit të automjeteve gjatë udhëtimit krahasuar me matjet e bëra në laborator. Sot do të publikojmë një vërejtje ndaj grupit Volkswagen në mënyrë që ata (VW) të shpjegojnë pozicionin e tyre,” ka thënë Ambuj Sharma, një nga sekretarët e Ministrisë së Industrisë së Rëndë të Indisë për gjigandin mediatik indian Press Trust India (PTI).

“Këto variacione në nivelin e emisioneve janë gjendur në automjetet që i përkasin modeleve Jetta, Audi A4 dhe Vento. Do t’i japim kohë VW-it rreth 15-21 ditë kohë për t’iu përgjigjur deklaratës sonë. Ne presim një përgjigjie nga përfaqësuesit e kompanisë nga fundi i muajit, me të gjitha detajet teknike të burimeve të përdorura gjatë prodhimit të automjeteve në Gjermani,” është shprehur Sharma.

Rezultatet e kërkimit janë pjesë e një raporti të dorëzuar ndaj Ministrisë së Industrisë së Rëndë nga agjensia e testimeve ARAI, e cila më herët se skandali i manipulimit të godiste prodhuesin gjerman të makinave në Shtetet e Bashkuara dhe në vende të tjera kishte nisur një hetim rreth çështjes.

Raporti i ARAI-t u dorëzua ditën e martë. ARAI është një agjensi e specializuar në dhënien e ekspertizës teknike lidhur me Kërkim & Zhvillimin (Research & Development), testimet, çertifikimet, homologimet dhe strukturimet e rregulloreve që lidhen me mjetet e transportit.

Nëse agjensia indiane provon “keqprodhimin” e automjeteve, prodhuesi më i madh i automjeteve në botë mbase do t’i duhet të përballet me proçedim kriminal, gjobitje dhe tërheqje mbrapsht të makinave, ka shtuar Sharma.

VW ka pranuar se softueri që ndihmon në manipulimin e rezultateve të testit të emisioneve në atmosferë është inkorporuar në 11 milionë makina më motorrë ‘diesel’ në të gjithë botën. Vetëm në SHBA kjo vepër rrezikon deri në 18 miliardë dollarë gjobë.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale