Fondacioni Vodafone Albania prezanton një iniciativë të re me qëllim fuqizimin e brezit të ri me aftësi dhe njohuri dixhitale. Vodafone Distinction Bursary Fund është një program bursash i dedikuar studentëve që kanë aplikuar dhe janë pranuar nga universitetet ndërkombëtare për studime masteri dhe kanë aftësi të kufizuara financiare për të përballuar shkollimin.
Kjo bursë do t’u ofrojë të diplomuarve dhe profesionistëve të rinj shqiptarë, një mundësi të veçantë për diploma master profesionale dhe shkencore në degë që kërkojnë aftësi dixhitale që mund të përfshijnë:
- Teknologji Informacioni dhe Komunikimi
- Inovacion
- IT
- Telekomunikacion
- Inxhinieri
- Software
- Robotikë
- Prodhim Filmi
- Animacion
- Marketing Dixhital
“Distinction Bursary Fund” do të përzgjedhë deri në 4 studentë të shkëlqyer përmes kritereve të përsosmërisë dhe aftësive dixhitale.
Bursa mbulon plotësisht ose një pjesë të tarifave të shkollimit. Shpenzimet e jetesës nuk përfshihen në bursë.
Kush mund të aplikojë?
- Çdo shtetas shqiptar rezident në Shqipëri;
- Kushdo që ka aplikuar dhe është pranuar në një prej universiteteve më të mira ndërkombëtare për të kryer studimet master në një prej fushave të lartpërmendura, duke nisur nga viti akademik 2019-2020.
- Ata që kanë aftësi dhe talent të spikatur në fushën dixhitale.
- Ata që janë të gatshëm të kthehen në Shqipëri pas përfundimit të studimeve të tyre dhe të kryejnë një praktikë 6 mujore në Vodafone Albania.
- Ata që nuk kanë studiuar më parë ose kanë një diplomë tjetër masteri.
Aplikimi është i hapur që prej datës 23 Prill 2019 dhe do të mbyllet në datën 23 Maj.
https://www.vodafone.al/videos/1520195866724-vodafone-distinction-bursary-fund-Unleash_Power_Preview_5.mp4
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
