Nokia dhe Vodafone testuan me sukses një teknologji të rrjeteve optike pasive (PON) e aftë të ofrojë shpejtësi deri në 100 gigabit për sekondë në një gjatësi të vetme vale, ose 10 herë më shumë sesa rrjetet më të avancuara ofrojnë sot. Është avancimi më i fundit i industrisë për Nokia pas lançimeve të 10G PON, TWDM-PON, universal PON dhe 25G PON.
Testimi i cili u realizua në laboratorin Eschborn të Vodafone në Gjermani, është bashkëpunimi më i fundit mes dy kompanive që do të përshpejtojë zgjerimin e rrjeteve broadband me fibër. Për të ofruar 100Gb/s, Nokia Bell kombinoi teknologji optik 25G me teknika të përpunimit të sinjalit dixhital DSP. Për të shkuar përtej 25G, nevojiten teknika të avancuara DSP dhe ky testim e provoi atë.
LEXO: Rrjeti 4G në Hënë, NASA firmos kontratë me Nokia-n
Prototipi i Nokia është i pari mbi rrjetet PON ndërsa Vodafone është kompani e cila njihet për adoptimin e teknologjive më të fundit dhe ndër të parët që aplikoi TWDM-PON me Nokia. Transmetimi i shpejtësisë fleksibël funksionon duke grupuar modemet me fibra (ONU) që shfaqin karakteristika të ngjashme të rrjetit fizik (p.sh., humbja ose shpërndarja) dhe e bën transmetimin e të dhënave më efikase. Përdorimi i transmetimit të shpejtësisë fleksibile rezulton në vonesë më të ulët në një PON dhe ul konsumin e energjisë në gjysmë – dy karakteristika thelbësore për rrjetet me fibra që kanë një rol në rritje të shpejtë në shpërndarjen masive të shërbimeve me bandë fikse dhe mobile.
Vodafone ka një histori të teknologjive novatore të aksesit, duke qenë operatori i parë në Evropë që provoi TWDM-PON, gjithashtu me Nokia. Operatori ka aftësinë më të madhe të rrjetit të aksesit të gjeneratës së re në Evropë, duke mbuluar 140 milion shtëpi. Strategjia e Vodafone është të shtyjë fibrën më thellë te klientët dhe të evoluojë në një rrjet të unifikuar të bazuar në fibra. Vodafone e sheh 100G PON si një mënyrë potenciale për të krijuar rrjete PON mjaft fleksibile dhe të shkallëzuara që do të zbusin rrezikun e mbingarkesës në orën e pikut në të ardhmen dhe mundësojnë dendësimin e rrjeteve kabllore dhe mobile.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
