Vlerësim libri: “Think Again” – Përse duhet të rimendoni gjithçka absolute në jetën tuaj?

Shkroi: Prishila Gjoka

Adam Grant është psikolog organizativ në Wharton School në Filadelfia, Pensilvani, ku edhe mban çmimin e profesorit i renditur në krye të vlerësimeve për 7 vjet rresht. Një ndër autorët më të shitur, renditur numri 1 nga “New York Times” dhe një prej folësve më të famshëm të “Ted Talks”. Librat e tij kanë shitur mbi 2 milionë kopje. Prezantimet e tij kanë mbi 25 milionë shikime dhe podcast-i i tij “WorkLife” i ka tejkaluar pritshmëritë. 

“Think Again” (Mendo sërish), i publikuar në vitin 2021, është një guidë kushtuar mendjes dhe konkretisht një koncepti të guximshëm, “ri-mendimit”! Një libër, i cili mban në kopertinë vlerësimin e Bill dhe Melinda Gates.

“Një libër, i cili duhet lexuar medoemos…mësimet në këtë libër janë më të rëndësishme se kurrë.”

• Bill dhe Melinda Gates

POROSIT TANI BUSNESS MAGAZINE 30

“Fuqia e të diturit çfarë nuk di”, ky është slogani që mban “Think Again” (Mendo sërish). Të mbrosh atë që është e gabuar, për hir të të “pasurit të drejtë”, apo të dyshosh në çdo gjë që mendon se është e drejtë, për të mësuar gjithnjë të vërtetën? Po ju, çfarë do të zgjidhnit?

Adam Grant beson se, përgjatë procesit tonë të mendimit vendosemi në rolin e tre personazheve: 

1. Predikues – kur besimet tona kërcënohen dhe na duhet të ngremë argumenta për të mbrojtur dhe promovuar besimet tona.
2. Prokurorë – kur identifikojmë të meta në arsyetimet e të tjerëve dhe ngremë debate me qëllim që t’u tregojmë se ku e kanë gabim dhe ne të “fitojmë” debatin.
3. Politikanë – kur na duhet të fitojmë pranimin dhe pëlqyeshmërinë e një audience.

Ajo që na ndihmon të zhvillohemi, që na ndihmon të mbajmë mendjet tona në proces të vazhdueshëm mësimi, është në fakt një lloj tjetër i të menduarit, ai shkencor.

Lexoni vlerësimin e plotë në Business Magazine 30. Porosit tani!