Vladimir Vulic rikthehet në AllWeb Albania 2019


Rikthehet për të dytën herë në AllWeb Albania folësi i mirënjohur ndërkombëtar, Vladimir Vulic. Vladimiri, i njohur si Vanja për miqtë e tij, është një strateg i transformimit dixhital. Ai ka punuar për klientë si Coca-Cola (për Operacionet Serbe), Roche, Trebjesa Brewery Nikšić (një kompani e Molson Coors), Crnogorski Telekom (anëtar i Grupit Deutsche Telekom), UNDP Montenegro, Qeverinë e Malit të Zi, Erste Bank Serbia, UniCredit Bank Banja Luka, Delhaize Serbia, Ambasada Britanike në Beograd (Serbi), British Council Montenegro, sigurimet GRAWE, Triglav Insurance, Direct Media Mali i Zi.

Vanja është bashkë-themelues i Digitalizuj.Me, një organizatë joqeveritare që ndihmon qytetarët dhe organizatat në Malin e Zi të informohen se ekzistojnë mundësi të reja emocionuese për ndryshime sociale dhe të biznesit në mjedisin dixhital duke përqafuar mediat sociale dhe modele të reja të biznesit.

Lexoni: Spark.me 2018 – Intervistë me Vladimir Vulic (Drejtues i konferencës spark.me)

Ai është Drejtori i Programit Spark.me, një nga konferencat e teknologjisë / biznesit më të kuruara në Europën Juglindore. Konferenca është organizuar çdo vit në Mal të Zi që nga viti 2013, nga Domain.ME, një kompani private në ngarkim të domainit kombëtar të internetit tё Malit të Zi -.ME.

Vanja ka 12 vite eksperiencë në mësimdhënie në profilin e Menaxhimit Strategjik në Fakultetin e Ekonomisë Podgoricë, institucioni kryesor arsimor i ekonomisë dhe menaxhimit në Mal të Zi.

Vanja flet shpesh në konferenca dhe evente të ndryshme, duke eksploruar ndërthurjen e teknologjisë, strategjisë së biznesit, udhëheqjes, inovacionit dhe ndryshimit. Ai ka qenë një folës keynote (kryesor) në 20 vende në 4 kontinente, nga Peruja në Tajvan. Vanja ka qenë 2 herë folës në TEDx, duke përfshirë një fjalim në TEDxZagreb para 1.000+ të pranishmëve.

Lexoni edhe: Pse duhet të merrni pjesë në konferencën e marketingut dixhital, AllWeb Albania me 17 Tetor?

Vanja ka folur në skenën e AllWebMK në vitin 2013, në lidhje me rregullat e reja që bizneset duhet të ndjekin në epokën e mediave sociale. Prezantimin e tij të plotë mund ta ndiqni në videon e mëposhtme:

Gjithashtu ai ka qenë folës në edicionin e parë të AllWeb Albania në vitin 2016, ku foli rreth strategjive që duhet të ndërmarrin kompanitë për të qenë sa më inovative si dhe për eksperiencën e konsumatorëve në botën dixhitale. Shumë shembuj interesantë arriti të sillte nga kompani/marka globale si Rolls Royce, Starbucks, Harley Davidson etj, për të ilustruar filozofitë që aplikojnë këto kompani për të arritur të ofrojnë një përvojë të jashtëzakonshme për klientët e tyre.

“As a manager I should not fall in love with the purpose of my product. I should fall in love with my customer.” – Vladimir Vulic

Për prezantimin e plotë mund të ndiqni videon e mëposhtme:

Këtë vit ai vjen me surpriza të reja, të cilat ju ftojmë t’i ndiqni live në datën 17 Tetor, duke blerë biletën tuaj në faqen www.AllWeb.al

Për sponsorizime, bileta apo informacione më të detajuara kontaktoni me:

Gerti Boshnjaku, në +355 67 20 11 531 ose [email protected]

Si edhe me Darko Buldioski, në 070/ 30 70 40 ose në [email protected]

ose mund të blini biletën tuaj në https://allweb.al/tickets/, të cilën e përfitoni me një çmim prej 100 Euro deri në datën 30 Shtator. 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale