Për herë të parë në Shqipëri do të vijë një produksion kinematografik në gjuhën filmike të teknikës më të fundit 360 VR.
Një prodhim Shqiptaro-Italian do të vijë nën prodhimin e EJF Production i cili do të paraqesë një histori magjepsëse.
Natën në një cirk zhvillohet një ngjarje sa sureale aq edhe reale mes dy punonjësve të gjymtuar të cirkut dhe një kali i cili vjen si dhuratë.
Filmi ende është në xhirim e sipër, dhe do të jetë premiera e parë në Shqipëri e cila do të jetë ndryshe nga ato që kemi parë zakonisht. Ai nuk do të shfaqet në kinema, por në një ambient tjetër i cili do të jetë suprizë.
Skenari dhe regjia e këtij prodhimi do të vijë nga Jonid Jorgji, e në rolet kryesore do të jenë aktorët Arjeta Dhima dhe Alfred Zeneli.
Filmat 360 VR janë fjala e fundit e teknologjisë dhe për shkak të efekteve që i jep shikuesit është bërë shumë tërheqëse dhe argëtuese. E parë me anë të syzeve VR, spektatori e zgjedh vetë planin që do të shohi, duke e vendosur atë virualisht në momentin e ngjarjes.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
