Këngëtari me origjinë shqiptare, Ermal Meta, qëndron në krye të klasifikimit edhe në natën e dytë të festivalit të SanRemos në Itali. Kënga “Un milione di cose da dirti” u rendit e para nga votat e orkestrës së festivalit, ndërsa e dyta Orietta Berti me “Quando ti sei innamorato” dhe të tretët Extraliscio feat. Davide Toffolo me “Bianca luce nera”.
Rikthimi i tij në Sanremo, pas tre vitesh, nga fitorja në duet me Fabrizio Moro-n, nga e cila u rendit në vendin e pestë në Eurovision, nis pikërisht nga këtu: Nga një këngë dashurie dhe shumë intime e kompozuar nga Ermal Meta tre vite më parë, e mirëmenduar për zërin dhe pianon.
https://www.youtube.com/watch?v=Kni7wZw03-c
Kjo renditje provizore u zbulua pas përfundimit të natës së dytë të festivalit, ndërkohë që fituesi do të përfaqësojë Italinë në Eurovizon 2021. Festivali i SanRemos regjistron këtë vit shikueshmërinë më të ulët që nga viti 2014 për shkak edhe të pandemisë. Nata finale e edicionit 71 të Sanremo-s nën prezantimin e Amadeus dhe Fiorello-s.do të jetë në datën 6 mars. Ndërsa, në garë për çmimin e parë janë 26 këngëtarë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
