Disa gjëra nuk harrohen kurrë. Një video e ish-balerinës së parë të New York Ballet ka emocionuar njerëzit në të gjithë botën, duke prekur shumë njerëz që e kanë parë. Marta C Gonzalez, e cila ndërroi jetë vitin e kaluar, shihet aty e ulur në një karrige me rrota në një azil pleqsh në Valencia. Marta C González ishte një prima balerinë me Baletin e New York-ut në vitet 1960, ku luajti rolin kryesor, Odette , në Liqenin e Mjellmave.
Ajo shfaqet krejtësisht e përhumbur për shkak të Alzheimerit, prej të cilit vuante prej kohësh. Por diçka e papritur ndodh kur i vendosin kufje në vesh dhe dëgjon të burojë muzika e Tschaikovsky-t nga liqeni i mjellmave. Balerina pëson një transformim të menjëhershëm: ajo nis të lëvizë krahët sikur do të kërcejë në skenë. Brenda pak minutash, rikrijon lëvizjet e hijshme që e kishin bërë dikur një kërcimtare aq të suksesshme. Marta ndjek muzikën dhe kujton koreografinë me të cilën kishte kërcyer dekada më parë.
¡Emocinante el poder de la música!
DEP Marta C. González https://t.co/WX2FAiNywM
— Antonio Banderas (@antoniobanderas) November 8, 2020
Ky moment emocionues, i regjistruar përpara vdekjes së saj, u shpërnda nga shoqata spanjolle e bamirësisë, Musica para Despertar, e cila përdor muzikën për të përmirësuar humorin por edhe memorien e të sëmurëve me demencë. González vdiq në 2019, por momenti magjik ka arritur miliona shikime këtë javë, pasi video u shpërnda në Twitter.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
