Ornela Trupja
Nëse njeh Alkida Lushaj, kupton se ajo sot është produkt i i një pune aktive studimore. Pas studimit për Shkenca Politike, ka kryer Masterin e parë për Diplomaci dhe Marrëdhënie Ndërkombëtare në Universitetin e Tiranës dhe një Master të dytë për Studime Euro-Aziatike në Universitetin e Stambollit. Me etje për dije e ndërveprim, gjatë studimeve ajo mori pjesë në aktivitete dhe trajnime të ndryshme në Europë si: Austri, Belgjikë, Itali, Francë, Turqi, Maqedoni.
Ajo tregon për Businessmag.al se ka qenë pjesëmarrëse në shumë intershipe. Në intershipin ku ishte përzgjedhur nga stafi ndërkombëtar i UNDP, ishte e vetmja shqiptare që mori pjesë. Ajo u bë gjithashtu pjesë e stafit në Samitin Humanitar Botëror, që u organizua nga Sekretari i Përgjithshëm i Kombeve të Bashkuara z.Ban Ki-Moon.
Aktualisht punon pranë Universitetit të New York-ut si Projekt Koordinatore dhe Asistent Profesore. Alikda është e angazhuar ndërkohë edhe në Institutin e Studimeve Politike, ku merret me projekte kombëtare e ndërkombëtare në lidhje me demokracinë dhe të drejtat e njeriut. Me një ndjeshmëri të lartë për barazinë gjinore, ajo ka zhvilluar kërkime dhe publikoi raporte lidhur me: modernizimin e gruas shqiptare gjatë monarkisë (1928-1939), si dhe barazisë gjinore në Shqipëri.
“Vetëm dija mund të transformojë botën”, -shprehet Alkida, duke treguar se të gjitha këto eksperienca kanë ndikuar pozitivisht në formimin profesional të saj. Me ide të qarta dhe bindje rreth asaj çfarë kërkon në karrierën e saj, Aklida një pjesë të rrugëtimit na tregon se e ka ndërtuar që kur ishte studente.
A nuk do të ishte mirë që çdo student të qartësojë sa më shpejt planin e tij për zhvillimin e karrierës, në mënyrë që të nisë shtrimin e rrugës për sukses që kur është student?!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
